રવિ બિશ્નોઈ પરિવાર : રાજસ્થાનના જોધપુરથી દુનિયાના વિવિધ ક્રિકેટ સ્ટેડિયમ સુધી પહોંચનાર રવિ બિશ્નોઈનું જીવન ઊભરતા ક્રિકેટરો માટે પ્રેરણા રૂપ
રવિ બિશ્નોઈ એક ભારતીય ક્રિકેટ ખેલાડી છે. 2020 માં પણ રવિ બિશ્નોઈ અંડર-19 ક્રિકેટ વર્લ્ડ કપમાં ભારત માટે રમ્યો હતો, જેમાં તે 17 વિકેટ સાથે ટૂર્નામેન્ટમાં સૌથી વધુ વિકેટ લેનાર ખેલાડી બન્યો હતો. 2022માં રવિ એ 10 T20 મેચ રમી હતી. જ્યારે 2023માં પણ તેણે અત્યાર સુધી ઘણી મેચ રમી છે. હાલમાં ભારત ઓસ્ટ્રેલિયા વચ્ચે રમાય રહેલી T20 મેચની પ્રથમ શ્રેણી માટે રવિ બિશ્નોઈને પસંદ કરવામાં આવ્યો છે.
રવિ સહિત કુલ 4 ભાઈ-બહેનો છે. ભાઈનું નામ અશોક છે જ્યારે બહેનનું નામ રિંકુ અને અનિતા છે. રવિ બિશ્નોઈ એક મધ્યમ વર્ગીય પરિવાર માંથી છે. તેને બાળપણથી જ સામાન્ય ભારતીય લોકોની લોકપ્રિય રમત ક્રિકેટનો શોખ હતો. તેના ઘરના દરવાજેથી લઈને શાળાના મેદાન સુધી રવિ જો કંઈ રમતા હોય તો તે ક્રિકેટ હતું! રવિએ બાળપણ થી મેદાન બનાવવાથી લઈને પીચ તૈયાર કરવા સુધી તમામ બાબતે પરસેવો વહાવ્યો છે.
રવિને બે વખત રાજ્ય કક્ષાની ક્રિકેટ રમવા માટે પસંદ કરવામાં આવ્યો હતો પરંતુ તેને રમવાની તક આપવામાં આવી ન હતી. પ્રારંભિક તબક્કામાં ઘણી વખત અસ્વીકારનો સામનો કરવો પડ્યો હતો. પરંતુ રવિએ હંમેશા નિષ્ફળતાને અસમર્થ માનીને સંઘર્ષ ચાલુ રાખ્યો. દરમિયાન, રવિને વર્ષ 2018 માં સ્ટેટ એસોસિએશન દ્વારા આયોજિત ક્રિકેટ રમવાની તક મળી. આ સ્પર્ધામાં રવિએ સદી ફટકારી અને અનેક વિકેટ પણ લીધી.
આવી સ્થિતિમાં રવિના પિતાએ તેને ફરીથી સમજાવ્યું કે જો તે ક્રિકેટ છોડીને ફરીથી અભ્યાસ પર ધ્યાન આપે તો તે કંઈક બની શકે છે પરંતુ તે ક્રિકેટમાં કંઈ હાંસલ કરી શકશે નહીં. પરંતુ તેમના નિશ્ચયને કારણે રવિ બિશ્નોઈએ તેમના પિતાને એક વર્ષ રમવા માટે કહ્યું અને બમણા ઉત્સાહ સાથે ક્રિકેટ રમવાનું શરૂ કર્યું. જે બાદ આજે આ મુકામ સુધી રવિ પહોંચ્યો છે.
