TV9 GUJARATI | Edited By: Dhinal Chavda
Nov 20, 2022 | 7:06 PM
સુપરફૂડને સામાન્ય રીતે તે વસ્તુઓ કહેવામાં આવે છે, જે પોષક તત્વોથી ભરપૂર હોય છે અને તેમાં ઓછામાં ઓછી કેલરી હોય છે. પરંતુ સારી વાત એ છે કે સુપરફૂડ માટે તમારે મોંઘી અને આયાતી વસ્તુઓ પર નિર્ભર નથી રહેવું પડતું. આવી ઘણી ભારતીય વસ્તુઓ છે, જે પોતાનામાં એક સુપરફૂડ છે.
દાડમ શરીરની રોગપ્રતિકારક શક્તિ વધારે છે, ટાઇપ-2 ડાયાબિટીસ સામે લડવામાં મદદ કરે છે અને બ્લડપ્રેશરને પણ નિયંત્રિત કરે છે. તે તમારી ત્વચા પર ચમક લાવવા અને કરચલીઓ દૂર કરવામાં પણ મદદ કરે છે.
અભ્યાસમાં સાબિત થયું છે કે તમારા ભોજનમાં ઘી ઉમેરવાથી ખોરાકનો ગ્લાયસેમિક ઇન્ડેક્સ ઓછો થાય છે. કરીના કપૂર પણ ઘીનું સેવન કરે છે.
વિટામિન સીથી ભરપૂર આમળા તેના એન્ટિ-એજિંગ અને ઇમ્યુનિટી-બૂસ્ટર ગુણધર્મો માટે જાણીતું છે. આયુર્વેદ અનુસાર, તે શરીરના કફ, વાત અને પિત્ત દોષોને શાંત કરે છે.
મધ ખાવાના ઘણા ફાયદા છે. કાચું મધ એ પોલીફેનોલ્સ નામના એન્ટીઓક્સીડેન્ટનો ખજાનો છે. આયુર્વેદમાં મધનું સેવન ખૂબ જ ફાયદાકારક કહેવાયું છે. મધનો ઉપયોગ વજન ઘટાડવા અને ત્વચામાં ચમક લાવવા માટે કરી શકાય છે. (જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા કૃપા કરીને નિષ્ણાતની સલાહ લો.)