કપડાના સ્ટીકર પર બનેલી આ આકૃતિઓનો અર્થ શું છે ? શા માટે બનાવવાના આવે છે આ સિમ્બલ, જાણો તેનો અર્થ
કપડાં ખરીદતી વખતે તેમાં લગાવેલા સ્ટીકર પર કેટલાક સિમ્બલ જોવા મળે છે. આમાં ઘણા સિમ્બલ છે જે સમજની બહાર છે. કપડાંના સ્ટીકર પરના સિમ્બલનો અર્થ શું છે તે જાણો.
કપડાં ખરીદતી વખતે તેમાં લગાવેલા સ્ટીકર પર કેટલાક સિમ્બલ જોવા મળે છે. જેમાં ઘણા સિમ્બલ હોય છે. જે આપણા સમજની બહાર છે. સામાન્ય રીતે લોકો તેમની અવગણના કરે છે. જો તમે સાચા અર્થમાં કપડાંની કાળજી લેવા માંગતા હોય તો તમારે આ સિમ્બલને સમજવા પડશે. આ સિમ્બલોને સમજીને કપડાંની કાળજી લેવાથી તેમનું આયુષ્ય વધે છે. કપડાના સ્ટીકર પર લાગેલા સિમ્બલનો અર્થ જાણો.
Bleaching symbols: બ્લીચિંગ પાવડરનો ઉપયોગ કપડાં પરથી ડાઘ દૂર કરવા અને ચમક વધારવા માટે થાય છે. કપડાંને બ્લીચ કરવાની પ્રક્રિયા અલગ અલગ હોય છે. કયા કપડાંને વધુ અને કયા ઓછા બ્લીચ કરી શકાય તે સમજાવવા માટે કંપનીઓ કપડાંમાં વિવિધ સિમ્બોલ મૂકીને આપે છે. ઉદાહરણ તરીકે, એક સરળ ત્રિકોણનો અર્થ એ છે કે ફેબ્રિકમાં બ્લીચિંગ કરી શકાય છે. જો ત્રિકોણમાં ક્રોસનું નિશાન હોય, તો તેનો અર્થ એ છે કે બ્લીચિંગ કરવાનું નથી. જો ત્રિકોણમાં વિકર્ણ રેખાઓનો ઉપયોગ કરવામાં આવે છે, તો તેનો અર્થ એ છે કે બિન-ક્લોરીન બ્લીચનો ઉપયોગ કરી શકાય છે.
Ironing Symbols: કપડાંને ઇસ્ત્રી કરવાની એક રીત પણ છે. દરેક ફેબ્રિકને ઇસ્ત્રી કરી શકાતી નથી. સ્ટીકરોના સિમ્બોલ જણાવે છે કે તેને કેટલું આયર્ન કરવાની જરૂર છે. ઉદાહરણ તરીકે, ડોટ વડે બનેલું આયર્નનું નિશાન એટલે ઓછી ગરમી સાથેનું આયર્ન. બે ટપકું એટલે મધ્યમ, ત્રણ ટપકું એટલે આયર્નને વધારે ગરમ કરી શકાય. તે જ સમયે આયર્ન પર ક્રોસનું બિંદુ સૂચવે છે કે કાપડને આયર્નની જરૂર નથી.
Washing cycle symbols: કાપડ લાંબા સમય સુધી રહે છે તેથી તેને કેવી રીતે ધોવા તે પણ સિમ્બોલ દ્વારા સમજાવવામાં આવ્યું છે. ઉદાહરણ તરીકે, સર્કલ માર્ક કહે છે કે કપડાંને માત્ર ડ્રાયક્લીન કરો અને ઘરે પાણીથી ધોશો નહીં. વર્તુળ સાથે બનાવેલ ક્રોસનું નિશાન કહે છે તેને ડ્રાય ક્લીન કરશો નહીં. કાપડને તેના ફેબ્રિક પ્રમાણે સાફ કરવાની સલાહ આપવામાં આવે છે.
Drying symbols: કપડાં સૂકવવાની એક રીત પણ છે જેમ કે, ચોરસની અંદરનું વર્તુળનું ચિહ્ન સૂચવે છે કે તેને સૂકવી શકાય છે. જો તેની સાથે ક્રોસ માર્ક હોય, તો તમે આ કરી શકતા નથી. તેથી કપડાં સૂકવવાની એક રીત પણ છે, જે આ સિમ્બોલ પરથી સમજી શકાય છે.