iPhone 15 થી iPhone 16 કેટલો અલગ ? કેમેરાથી લઈ ડિઝાઈનમાં થયો મોટો ફેરફાર
iPhone 16 અને 16 Plusમાં 16MP અને 18MP કેમેરા હશે. આ સાથે આ બંને iPhoneમાં ઈન્ટેલિજન્સ કંટ્રોલ કેમેરા ફીચર હશે, જેના દ્વારા તમે પ્રોફેશનલ કેમેરાને જાણ્યા વગર પણ વધુ સારા ફોટા ક્લિક કરી શકશો. Apple એ iPhone 16 અને iPhone 16 Plusમાં A18 Bionic પ્રદાન કર્યું છે
Apple પ્રેમીઓ લાંબા સમયથી iPhone 16 સિરીઝની રાહ જોઈ રહ્યા હતા અને હવે ગ્રાહકોની રાહનો સમય પૂરો થઈ ગયો છે. નવી આઇફોન સિરીઝના લોન્ચિંગ સાથે, ઘણા એપલ પ્રેમીઓ હશે જેઓ તેમના જૂના આઇફોન મોડલને એક્સચેન્જ કરવાની યોજના બનાવી રહ્યા છે. તમારી પાસે ગયા વર્ષે લોન્ચ થયેલો iPhone 15ને વેચીને iPhone 16 ખરીદવાની યોજના બનાવી રહ્યા છો?તો આજે તમારી સુવિધા માટે અમે કાગળ પરના બંને મોડલની સરખામણી કરવા જઈ રહ્યા છીએ. કાગળ પર, ચાલો સમજીએ કે iPhone 15 અને iPhone 16 મોડલ કિંમત અને સુવિધાઓની દ્રષ્ટિએ એકબીજાથી કેટલા અલગ છે.
iPhone 16 vs iPhone 15 : ડ્યુઅલ સિમ (Nano + eSIM સપોર્ટ) સાથેનું iPhone 16 મૉડલ કંપનીની નવીનતમ ઑપરેટિંગ સિસ્ટમ iOS 18 પર કામ કરશે. આ મોડેલમાં 6.1 ઇંચની સુપર રેટિના XDR OLED ડિસ્પ્લે છે જે 2000 nits સુધીની પીક બ્રાઇટનેસને સપોર્ટ કરે છે. આ સિવાય આ ફોનમાં ડાયનેમિક આઇલેન્ડ સપોર્ટ અને અપગ્રેડેડ સિરામિક શિલ્ડ પ્રોટેક્શનનો ઉપયોગ કરવામાં આવ્યો છે.
બીજી તરફ, iPhone 15 માં પણ 6.1 ઇંચની સુપર રેટિના XDR OLED સ્ક્રીન છે અને ગયા વર્ષે રિલીઝ થયેલું આ મોડલ પણ 2000 nits સુધીની પીક બ્રાઇટનેસને સપોર્ટ કરે છે. આઇફોન 15 સિરીઝમાં લોન્ચ કરાયેલું આ પહેલું મોડલ હતું જેમાં ડિસ્પ્લે નોચને બદલે ડાયનેમિક આઇલેન્ડ ફીચર છે. બંને મોડલ IP68 રેટિંગ (ધૂળ અને પાણી રેસિસ્ટેંસ) સાથે આવે છે.
પ્રોસેસર: 3nm આધારિત ઓક્ટા-કોર A18 બાયોનિક ચિપસેટનો ઉપયોગ સ્પીડ અને મલ્ટીટાસ્કિંગ માટે iPhone 16માં કરવામાં આવ્યો છે. બીજી તરફ, ગયા વર્ષે રિલીઝ થયેલા iPhone 15માં વધુ સારા પ્રદર્શન માટે A16 Bionic પ્રોસેસર આપવામાં આવ્યું છે.
કેમેરા સેટઅપ: iPhone 16માં 48 મેગાપિક્સલનો વાઇડ-એંગલ કેમેરા સેન્સર છે જે 2x ઇન-સેન્સર ઝૂમ સપોર્ટ સાથે આવે છે, તેમજ 12 મેગાપિક્સલનો અલ્ટ્રા-વાઇડ એંગલ કેમેરા પણ છે. સેલ્ફી અને વિડિયો કોલિંગ માટે 12-મેગાપિક્સલનો TrueDepth કેમેરા સેન્સર ઉપલબ્ધ હશે. નોંધનીય બાબત એ છે કે આ લેટેસ્ટ મોડલ સાથે તમને 6x ઓપ્ટિકલ ઝૂમ સપોર્ટ મળશે.
ગયા વર્ષે લૉન્ચ થયેલા iPhone 15ના કૅમેરા સેટઅપ વિશે વાત કરીએ તો, આ મૉડલમાં 12-મેગાપિક્સલનો અલ્ટ્રા-વાઇડ એંગલ કૅમેરા સાથે પાછળના ભાગમાં 48-મેગાપિક્સલનો પ્રાથમિક કૅમેરો છે. તે જ સમયે, ફોનના આગળના ભાગમાં 12-મેગાપિક્સલનો સેલ્ફી કેમેરો આપવામાં આવ્યો છે. iPhone 15 ખરીદનારા ગ્રાહકોને આ ફોનમાં 4x ઓપ્ટિકલ ઝૂમ સપોર્ટ મળશે.
કનેક્ટિવિટી ઓપ્શન: બંને મોડલમાં 5G, Wi-Fi 6E, 4G LTE, NFC, બ્લૂટૂથ, GPS અને USB Type-C પોર્ટ હશે. આ સિવાય તમને ઈમરજન્સી SOS અને ક્રેશ ડિટેક્શન ફીચરનો લાભ મળશે.
સ્ટોરેજ ઓપ્શન: તમને બંને મોડલ 128 GB, 256 GB અને 512 GB ઇન્ટરનલ સ્ટોરેજ વિકલ્પોમાં મળશે. નોંધ કરો કે આઇફોન મોડલ્સમાં માઇક્રોએસડી કાર્ડ દ્વારા આંતરિક સ્ટોરેજને વિસ્તૃત કરવાની સુવિધા નથી.
વજનઃ iPhone 15 અને iPhone 16 બંને મોડલના વજનની વાત કરીએ તો આ વખતે લેટેસ્ટ iPhone 16 મોડલના વજનમાં ગયા વર્ષની સરખામણીમાં ઘટાડો કરવામાં આવ્યો છે. iPhone 15નું વજન 171 ગ્રામ હતું, પરંતુ આ વખતે iPhone 16નું વજન ઘટાડીને 1 ગ્રામ કરવામાં આવ્યું છે. iPhone 16નું વજન 170 ગ્રામ છે.
iPhone 16 vs iPhone 15 ભારતમાં કિંમત : તમને iPhone 16 નું 128 GB સ્ટોરેજ વેરિઅન્ટ 79,900 રૂપિયામાં, 256 GB વેરિયન્ટ 89,900 રૂપિયામાં અને 512 GB વેરિયન્ટ 1,09,900 રૂપિયામાં મળશે. બીજી તરફ, Appleની ઓફિશિયલ સાઇટ અનુસાર, તમને iPhone 15નું 128 GB વેરિઅન્ટ 69,900 રૂપિયામાં, 256 GB વેરિયન્ટ 79,900 રૂપિયામાં અને 512 GB વેરિયન્ટ 99,900 રૂપિયામાં મળશે.