TV9 GUJARATI | Edited By: Jayraj Vala
Mar 18, 2022 | 12:15 PM
રંગોના તહેવાર હોળીની શુક્રવારે દેશભરમાં ભારે ઉત્સાહ સાથે ઉજવણી કરવામાં આવી રહી છે. જમ્મુ-કાશ્મીરમાં પણ આપણા સૈનિકો આ તહેવારને ખુશીથી ઉજવણી કરી રહ્યા છે.
જમ્મુ-કાશ્મીરમાં ભારત-પાકિસ્તાન આંતરરાષ્ટ્રીય સરહદ પર BSFના જવાનોએ પણ હોળીનો તહેવાર ઉજવ્યો હતો. તેઓએ એકબીજાને રંગો લાગાવ્યો અને ડાન્સ કરીને તહેવારન ઉજવણી કરી હતી.
આ દરમિયાન સૈનિકોએ કહ્યું કે, તેઓ સરહદ પર દરેક તહેવાર આ રીતે ઉજવે છે, પછી તે હોળી હોય, દિવાળી હોય, પછી કોઈપણ તહેવાર હોય. સૈનિકોએ કહ્યું કે, અલબત્ત અમે અમારા ઘરથી દૂર છીએ પરંતુ અમારા માટે આ અમારો પરિવાર છે.
હોળીના અવસરે બીએસએફના જવાનોએ પણ ઢોલ વગાડ્યા હતા. બોલિવૂડ ફિલ્મના ગીત રંગ બરસે પર ગાતી વખતે તેઓએ એકબીજા પર રંગો લગાવ્યા હતા. દરેક લોકો ખુશીથી નાચતા પણ જોવા મળ્યા હતા.
જમ્મુ-કાશ્મીરના પુંછમાં સૈનિકોએ આ જ રીતે હોળીની ઉજવણી કરી છે. અહીં ભારતીય સેનાની દુર્ગા બટાલિયનના જવાનોએ એકબીજાની સાથે જોરદાર હોળી રમી હતી. સરહદ પર દેશની રક્ષા કરતી વખતે ખુશ થવાની આ તસવીરો સોશિયલ મીડિયા પર પણ ખૂબ વાયરલ થઈ રહી છે.
હોળીને લઈને BSF દ્વારા એક ટ્વિટ પણ કરવામાં આવ્યું છે. જેમાં લખવામાં આવ્યું છે કે, તમામ દેશવાસીઓને ડાયરેક્ટર જનરલ, બોર્ડર સિક્યુરિટી ફોર્સ અને તમામ બોર્ડર ગાર્ડ્સ તરફથી હોળીની શુભકામનાઓ.
BSF દ્વારા પણ આવી જ ઘણી વધુ ટ્વિટ કરવામાં આવી છે. આ સાથે જ વડાપ્રધાન નરેન્દ્ર મોદીએ પણ હોળીના અવસર પર તમામને શુભેચ્છા પાઠવી છે. તેમણે ટ્વીટ કર્યું કે, તમને બધાને હોળીની ખૂબ ખૂબ શુભેચ્છાઓ. પરસ્પર પ્રેમ, સ્નેહ અને ભાઈચારાનું પ્રતીક રંગોનો આ તહેવાર તમારા જીવનમાં ખુશીઓના દરેક રંગ લઈને આવે.