Happy birthday Rishi Kapoor : ઋષિ કપૂરના એ 5 રોલ્સ જેણે તેમને એક વર્સટાઈલ એક્ટર બનાવ્યા, જુઓ Photos
ઋષિ કપૂરનો જન્મ બોલિવૂડના પ્રખ્યાત કપૂર પરિવારમાં થયો હતો. તેણે 1970 માં તેના પિતા રાજ કપૂરની ફિલ્મ મેરા નામ જોકરથી તેની ફિલ્મી કારકિર્દીની શરૂઆત કરી, જેના માટે તેને શ્રેષ્ઠ બાળ કલાકાર (ઋષિ કપૂર ફિલ્મ ડેબ્યૂ) માટે રાષ્ટ્રીય ફિલ્મ પુરસ્કાર મળ્યો. મુખ્ય અભિનેતા તરીકે, તેમની પ્રથમ ફિલ્મ બોબી હતી. આ ફિલ્મ માટે તેમને શ્રેષ્ઠ અભિનેતાનો ફિલ્મફેર એવોર્ડ મળ્યો હતો. 1973 અને 2000 ની વચ્ચે, કપૂરે 92 ફિલ્મોમાં રોમેન્ટિક લીડ તરીકે કામ કર્યું હતું.
ઋષિ કપૂર બોલિવૂડ ઇન્ડસ્ટ્રીના એવા અભિનેતાઓમાંથી એક છે જેમણે ઘણી રોમેન્ટિક ફિલ્મોમાં કામ કર્યું છે અને પોતાની ઓળખ બનાવી છે. તેને ફિલ્મો વારસામાં મળી હતી અને તે તેમાં નિપૂર્ણ પણ બન્યા અને ઘણી પ્રશંસા મેળવી હતી. અભિનેતાની 71મી જન્મજયંતિ પર, ચાલો આપણે અભિનેતાની તે પાંચ ભૂમિકાઓ વિશે જેમણે તેમને એક વર્સટાઈલ એક્ટર બનાવ્યા.
મુલ્ક- આ ફિલ્મને ઋષિ કપૂરના કરિયરની સૌથી શાનદાર ફિલ્મ કહેવામાં આવે તો ખોટું નહીં હોય. અનુભવ સિન્હા દ્વારા દિગ્દર્શિત આ ફિલ્મમાં જે રીતે ઋષિ કપૂરે જે રીતે રોલ નિભાવ્યો તે ફિલ્મનો જીવ બની ગયો હતો. આ ફિલ્મમાં તાપસી પન્નુ અને આશુતોષ રાણા મહત્વની ભૂમિકામાં હતા.
અગ્નિપથ- તમે ઋષિ કપૂરને રોમાન્સ કરતા, એક્શન કરતા જોયા હશે પરંતુ ભાગ્યે જ તમે તેમને વિલનની ભૂમિકામાં જોયા હશે. પરંતુ હૃતિક રોશનની ફિલ્મ અગ્નિપથમાં ઋષિ કપૂરનો રોલ નેગેટિવ હતો. તેણે આ ભૂમિકા શાનદાર રીતે ભજવી અને બધાને ચોંકાવી દીધા.
બોબી- ફિલ્મ બોબીનો ઉલ્લેખ કરવો જરૂરી છે કારણ કે આ ફિલ્મે તેને રોમેન્ટિક અભિનેતા તરીકે સ્થાપિત કર્યો હતો. આ ભૂમિકા તેના જીવનની સૌથી ખાસ ભૂમિકાઓમાંની એક છે. અહીં તેમણે કોઈ પણ અનુભવ વિના અજાયબીઓ કરી બતાવી અને આજે પણ આ ફિલ્મ નવી પેઢીમાં લોકપ્રિય છે.
102 નોટ આઉટ - આ ફિલ્મમાં ઋષિ કપૂરે અમિતાભ બચ્ચન સાથે કામ કર્યું હતું. આ ફિલ્મમાં બિગ બી અને ઋષિ કપૂરે પોતાની એક્ટિંગથી બધાને ચોંકાવી દીધા હતા. ખાસ મિત્ર ઋષિ કપૂર આ ફિલ્મમાં અમિતાભ બચ્ચનના પુત્રના રોલમાં જોવા મળ્યા હતા. આ ફિલ્મને લઈને ઘણી ચર્ચા થઈ હતી.
દિલ્હી 6- અભિષેક બચ્ચન અભિનીત આ ફિલ્મમાં ઋષિ કપૂર એકતરફી પ્રેમીની ભૂમિકામાં હતા. આ ફિલ્મમાં તે રોમાન્સ કરતા જોવા મળ્યા ન હતા, પરંતુ તે રોમાન્સ વિશે વાત કરતા જોવા મળ્યા હતા. આ ફિલ્મમાં તેમનો રોલ બહુ લાંબો નહોતો પણ પ્રભાવશાળી હતો.