નામની પાછળ ‘ભાઈ’ અને “બહેન” ગુજરાતીઓ માટે બન્યું મુસિબત! પાસપોર્ટ ઓફિસમાં હટાવવા માટે કરી રહ્યા છે અરજી, જાણો શું છે કારણ
ગુજરાતમાં નામની પાછળ ભાઈ અથવા બહેન લગાવવું એટલું સામાન્ય છે કે તે દરેક વ્યક્તિના નામ સાથે જોડવામાં આવે છે, પરંતુ ઘણી વખત લોકો તેને કેટલાક દસ્તાવેજોમાં લખતા નથી. આ રીતે, દસ્તાવેજોમાં નામ અલગ-અલગ આવે છે, જેના કારણે વિદેશ જવાની પ્રક્રિયામાં ઘણી મુશ્કેલી પડે છે
રિપોર્ટ મુજબ ગુજરાતના પ્રાદેશિક પાસપોર્ટ અધિકારીઓ જણાવ્યુ હતુ પોતાના નામ પાછળથી ભાઈ અને બહેન નામ હટાવવા માટે 4000 થી વધુ અરજીઓ કરવામાં આવી છે. આ સાથે પ્રાદેશિક પાસપોર્ટ ઓફિસના અધિકારીઓનું પણ કહેવું છે કે અહીં સામાન્ય ભાષામાં આ રીતે સંબોધન કરવું સ્વભાવીક છે. જો કે, પાસપોર્ટ અને વિઝા માટે જરૂરી દસ્તાવેજોમાં એકરૂપતા ન હોય ત્યારે નામ સાથે તેને જોડતા લોકોને અડચણો ઉભી થઈ રહી છે જેના કારણે લોકો તેમના નામ પાછળથી ભાઈ અને બહેન હટાવવા અરજી કરી રહ્યા છે.(ફોટો ક્રેડિટ- ગુગલ)
મોટી સંખ્યામાં નામ બદલવાની અરજીઓ મળવા પર, ગુજરાતની પ્રાદેશિક પાસપોર્ટ કચેરીએ દસ્તાવેજોની ચકાસણી બાદ અમદાવાદ, વડોદરા અને રાજકોટની પાસપોર્ટ કચેરીઓમાં ફેરફાર કરવાની સત્તા આપી છે. અત્યાર સુધી આ કામ મુખ્ય ઓફિસમાં જ થતું હતું. એવું પણ સામે આવ્યું છે કે ભાઈ અને બેનને લગતા કેસ શહેરો કરતાં અર્ધ-શહેરી અને ગ્રામીણ વિસ્તારોમાંથી વધુ નોંધાય છે.(ફોટો ક્રેડિટ- ગુગલ)
Published On - 1:20 pm, Mon, 17 July 23
