મહેસાણામાં વધુ એક નક્લી જીરુ બનાવતી ફેક્ટરી ઝડપાઈ, 88 લાખથી વધુનો જથ્થો કરાયો જપ્ત- જુઓ તસ્વીરો

એશિયાના સૌથી મોટા માર્કેટ યાર્ડ વિસ્તારમાં નક્લી જીરુનો વેપલો જાણે થોભતો જ નથી. સ્પાઈસ સિટી તરીકે ઓળખાતા ઊંઝાનું જીરુ દેશભરમાં પ્રખ્યાત છે. જો કે કેટલાક તત્વો આ જીરુની સુવાસને નુકસાન પહોંચાડવાનું કામ કરી રહ્યા છે. છાશવારે મહેસાણામાંથી નક્લી જીરુ બનાવતી ફેક્ટરીઓ ઝડપાઈ રહી છે. ફુડ એન્ડ ડ્રગ્સ વિભાગે દરોડા પાડી વધુ એક નક્લી જીરુ બનાવતી ફેક્ટરી ઝડપી પાડી છે અને 88 લાખથી વધુનો જીરુનો જથ્થો જપ્ત કર્યો છે.