શા માટે ભગવાન રામને 14 વર્ષનો વનવાસ અને પાંડવોને માત્ર 12 વર્ષનો જ વનવાસ આપવામાં આવ્યો… શું આવો કોઈ ખાસ નિયમ હતો ? જાણો
mythological story : આપણે રામાયણ, રામચરિતમાનસ અને મહાભારત જેવા ગ્રંથો અને પૌરાણિક વાર્તાઓ પર આધારિત સિરિયલો જોઇ હશે, પરંતુ શું તમને રામાયણ અને મહાભારતના વનવાસ અનુક્રમે 14 અને 13 વર્ષના શા માટે હતા એ ખ્યાલ છે ? આવો જાણીએ આ કથા
એવું નહોતું કે કૈકેયી તેના સાવકા પુત્ર રામને પ્રેમ કરતી ન હતી. પરંતુ તેમના પુત્ર માટે સિંહાસન ઇચ્છતા હોવાથી, તેમણે રામ માટે 14 વર્ષનો વનવાસ માંગ્યો. હકીકતમાં ત્રેતાયુગમાં પણ રઘુકુળમાં વહીવટી નિયમો હતા. એવો પણ નિયમ હતો કે જો કોઈ રાજા 14 વર્ષ સુધી રાજગાદી છોડીને પાછો ન ફરે તો તે રાજા બનવાનો અધિકાર ગુમાવશે. આ જ કારણ છે કે કૈકેયીએ રામ માટે 14 વર્ષનો વનવાસ માંગ્યો હતો. ભગવાન શ્રી રામ પણ કૈકેયીને ખૂબ પ્રેમ કરતા હતા, તેથી તેમણે હસીને તેમની માતાની ઈચ્છા પૂરી કરી. તેમની પત્ની સીતા અને નાના ભાઈ લક્ષ્મણ પણ તેમની સાથે વનવાસ ગયા હતા. જો કે, ભરતે રામના ચરણ પાદુકાને સિંહાસન પર બેસાડ્યો અને પોતે ક્યારેય સિંહાસન પર બેઠા ન હતા. રાવણનો વધ કર્યા પછી, જ્યારે રામ અયોધ્યા પાછા આવ્યા ત્યારે શ્રી રામનો રાજ્યાભિષેક થયો.
મહાભારતમાં પણ આવી જ એક ઘટના છે, જે મનમાં સવાલો ઉભા કરે છે. જુગારમાં હાર્યા પછી, કૌરવોએ પાંડવો માટે 12 વર્ષનો વનવાસ અને 1 વર્ષનો અજ્ઞાત વાસ માંગ્યો. એકંદરે, પાંડવોએ 13 વર્ષ સુધી રાજ્યથી દૂર રહેવું પડ્યું. શકુની મામાના નેતૃત્વમાં કૌરવોના આ પગલા પાછળ દ્વાપર યુગનું વહીવટી શાસન પણ હતું. આ નિયમ અનુસાર, જો કોઈ રાજવંશ 13 વર્ષ માટે પોતાનું રાજ્ય છોડી દે છે, તો તે શાસન કરવાનો અધિકાર ગુમાવશે. આથી કૌરવોએ પાંડવોને 12 વર્ષનો વનવાસ અને 1 વર્ષનો વનવાસ મોકલ્યા હતા.
