શું ફોડવાથી જલ્દી મટી જાય છે ખીલ? તમે પણ નથી કરતાને આ ભૂલ
આપણા બધાના જીવનમાં એક એવો સમય આવે છે જ્યારે આપણે ખીલથી પરેશાન થઈએ છીએ. ખીલ ચહેરાની સુંદરતા છીનવી લે છે. ખીલ દેખાવાના ઘણા કારણો હોઈ શકે છે. તેનું સૌથી મોટું કારણ ખોટુ ખાનપાન અને ખરાબ જીવનશૈલી છે. લોકોમાં એવી ગેરસમજ છે કે ખીલને ફોડવાથી તે ઝડપથી મટી જાય છે, જ્યારે આવું બિલકુલ નથી.
જ્યારે ખીલ દેખાય છે, ત્યારે તેને સ્પર્શ કરશો નહીં, તેના બદલે તેને કુદરતી રીતે મટવા દો. આ માટે તમે આ ટિપ્સ અજમાવી શકો છો.
મધમાં બળતરા વિરોધી અને ફૂગ વિરોધી ગુણધર્મો હોય છે. આ કુદરતી રીતે ખીલને ઠીક કરવામાં અસરકારક સાબિત થાય છે. ખીલ મટાડવા માટે દિવસમાં બે વાર મધ લગાવો. આ સાથે, ખીલ એક અઠવાડિયામાં પોતાની જાતે જ ઠીક થઈ જશે અને મધના ઉપયોગથી તમારા ચહેરા પર કુદરતી ચમક પણ આવશે.
એલોવેરા જેલનો ઉપયોગ હંમેશા ત્વચાની સંભાળમાં કરવામાં આવે છે. આ તમને માર્કેટમાં સરળતાથી મળી જશે. જો તમારા ઘરમાં છોડ છે તો તમે તેનો ઉપયોગ પણ કરી શકો છો. તેને સવારે અને રાત્રે તમારા ખીલ પર લગાવો. આનાથી મૂળમાંથી ચેપ ફેલાવતા બેક્ટેરિયા ખતમ થઈ જશે.
ખીલનો ઉપચાર કરવા માટે, તમે ઠંડા અથવા ગરમ કંપ્રેશનનો ઉપયોગ કરી શકો છો. આ ખીલની હીલિંગ પ્રક્રિયાને ઝડપી બનાવે છે. કોલ્ડ કંપ્રેશન માટે, સ્વચ્છ સુતરાઉ કાપડમાં બરફ લપેટી અને ખીલની સફાઈ કરો.
Published On - 4:43 pm, Sat, 23 December 23
