કોઇને હાથ મિલાવતા કે વસ્તુને અડતા આવે છે કરંટ ? જાણો કારણ
ઘણા લોકોને અચાનક હાથ મિલાવતાં કે કોઈ ધાતુની વસ્તુને અડતાં વીજળી જેવી ઝટકો આવે છે. તમે એ ક્ષણે ચોંકી જાઓ છો, પણ આ કોઈ ખતરનાક શોક નથી – આ છે સ્ટેટિક ઇલેક્ટ્રિસિટી, આવો જાણીએ તેને કેવી રીતે ટાળી શકાય.
કાર્પેટ પર પગ ઘસાઈને ચાલવાથી તમારા પગના માધ્યમથી ચાર્જ ભેગો થાય છે. જ્યારે તમે લોક, ડોર હેન્ડલ કે કોઈ મેટલ વસ્તુને અડો છો, ત્યારે શરીરમાંથી ચાર્જ બહાર નિકળે છે – અને તમને વીજળી જેવી ઝટકાની અનુભૂતિ થાય છે.
એવા શોકથી બચવા માટે એક સરળ ઉપાય છે – કોઈ પણ મેટલ વસ્તુને પહેલા તમારી ચાવીની મદદથી અડો. ચાવી ચાર્જને ધીરે ડિસ્કાર્જ કરે છે અને તમને શોકની તીવ્રતા અનુભવાતી નથી. ખાસ કરીને ટેબલ, લિફ્ટ બટન કે ગેટ હેન્ડલ માટે આ ઉપયોગી છે.
હવામાં ભેજ વધી જાય તો સ્ટેટિક ચાર્જ થવાનું પ્રમાણ ઘટી જાય છે. ઘરમાં હ્યુમિડિફાયર રાખો અથવા પાણીના છાંટા મારો – ખાસ કરીને રસ્તા, કાર્પેટ, પર્સનલ સ્પેસમાં. ભેજયુક્ત વાતાવરણ તમને આ અનુભવથી બચાવશે.
એન્ટી-સ્ટેટિક ચપ્પલ કે મટેરિયલ પહેરવાથી આમાં રાહત મળે. ઓફિસ કે ઘરમાં વધારે સમય AC અથવા ડ્રાય વાતાવરણમાં રહેવાથી આવા ઉપાયો ઘણાં ફાયદાકારક સાબિત થાય છે.
