પોલીસ વેરિફિકેશન બાદ પણ ઘરે નથી આવ્યો પાસપોર્ટ? સમય બગાડ્યા વગર તરત કરો આ કામ
પાસપોર્ટ બનાવવા માટે લોકોને ઘણી પ્રક્રિયામાંથી પસાર થવુ પડે છે. પોલીસ વેરિફિકેશન પણ તેમાં એક જરૂરી પ્રોસેસ છે. હાલમાં પોલીસ વેરિફિકેશન સરળતાથી થઈ જાય છે પણ ઘણી વખત વેરિફિકેશન બાદ પણ પાસપોર્ટ ઘર સુધી પહોંચતો નથી. જો તમારી સાથે પણ એવુ થયુ છે તો તરત જ કરો આ કામ.
પાસપોર્ટ સેવા કેન્દ્ર અથવા રિજનલ પાસપોર્ટ ઓફિસ જવા માટે તમારે ઓનલાઈન એપોઈમેન્ટ લેવી પડશે. જેમ તમે શરૂઆતમાં ડોક્યુમેન્ટ વેરિફિકેશન માટે અપોઈમેન્ટ લીધી હતી, તે રીતે જ લેવામાં આવશે અને તમે તમામ દસ્તાવેજ પાસપોર્ટ સેવા કેન્દ્રમાં ચેક કરાવો છો તે રીતે જ, જો કે તેમાં એટલો જ ફેરફાર જોવા મળશે કે તમારે માત્ર પુછપરછ કરવાની અપોઈમેન્ટ લેવાની છે. તેને Enquiry Appointment કહેવામાં આવે છે. (File Image)
પાસપોર્ટ સેવાની વેબસાઈટ પર Check Appointment Availability ઓપ્શન પર ક્લિક કરો. ત્યારબાદ તમે તમારા PSK/RPOમાં અપોઈમેન્ટની ઉપલબ્ધતા ચેક કરી શકો છો. તેનાથી તમને જાણવા મળશે કે કઈ તારીખમાં અપોઈમેન્ટ ખાલી છે. તેમાં એ ધ્યાન રાખો કે તમારે Enquiryની અપોઈમેન્ટ બુક કરવાની છે. પાસપોર્ટ સેવા પોર્ટલ પર આઈડી અને પાસવર્ડની સાથે લોગઈન કરીને આ અપોઈમેન્ટ બુક થઈ જશે. પાસપોર્ટ કાર્યાલયમાં જઈને તમે પોતાની એપ્લિકેશન વિશે પુછપરછ કરી શકો છો કે પોલીસ વેરિફિકેશન બાદ પણ ફાઈલ કેમ અટકી ગઈ છે. પાસપોર્ટ કર્મચારી તમને આ વાતની સમગ્ર જાણકારી આપશે અને તમારા પાસપોર્ટની કાર્યવાહીને આગળ વધારશે. જો બધુ જ યોગ્ય હશે તો ઝડપી જ તમને પાસપોર્ટ મળી જશે. (File Image)
