દિવાળી 2023: રાજકોટમાં ‘હેન્ડમેઈડ’ ફટાકડા ચોકલેટની માર્કેટમાં જબ્બર માંગ, જુઓ ફોટો
રાજકોટવાસીઓમાં દિવાળીના તહેવારને લઈ ભારે ઉત્સાહ જોવા મળી રહ્યો છે. દિવાળીમાં નાના બાળકોથી લઈ મોટા લોકો સુધી સૌ કોઈ ફટાકડા ફોડી દિવાળીના તહેવારની મોજ મસ્તી સાથે ઉજવણી કરતા હોય છે, પરંતુ જો આ વર્ષ તમને કોઈ રોકેટ, સૂતળી બોમ્બ, શંભુ અને રોકેટ જેવા ફટાકડા ખાવા માટે ગિફ્ટ કરે તો તમને કેવું લાગશે?
ખુશ્બુ સાથે પરિવારના પાંચ લોકો સાથે મળીને ઘરે જ ‘હેન્ડમેઇડ’ ચોકલેટ બનાવીએ છીએ. જેમાં ખુશ્બુના મમ્બી-પપ્પા અને ભાઈ-ભાભી આ કામમાં મદદ કરે છે. માત્ર મિલ્ક પાવડર, કોકો પાવડરના પ્રોપર મિશ્રણથી જ બનતી ચોકલેટની કવોલિટી બાબતે કોઈ બાંધછોડ કરવામાં આવતી નથી.
12 થી 15 પીસનું કોર્પોરેટર ગીફટ બોકસ 250 રૂપિયાથી શરૂ થાય છે. જ્યારે 850 રૂપિયા કિલો વેચાતી ચોકલેટમાં નાના-મોટા મળીને 100થી 110 પીસ આવે છે. ચોકલેટનો આકાર લાદી બોમ્બ, સૂતળી બોમ્બ, ભોં-ચકરડી, રોકેટ, મોટા ટેટાની સર, નાના ટેટાની સર, શંભુ સહિતનાં આકારોમાં ચોકલેટ બનાવતા ખુશ્બુબેન વિવિધ ફલેવર્ડમાં પણ ચોકલેટ બનાવે છે. જેમાં ડ્રાયફૂટ, બટરસ્કોચ, ફ્રેકલ અને પાન-મસાલા જેવી ફલેવર સામેલ છે. આમાં આર્ટીફીશીયલ કલર ઉમેરવામાં આવતો નથી. નેચરલ કલરમાં જ ચોકલેટ બનાવવામાં આવે છે. ઓર્ડર મુજબ પણ વિવિધ આકારમાં ફટાકડા ચોકલેટ બનાવી આપે છે.
