Dental Health: ચા-કોફી સહિત આ વસ્તુઓ તમારા દાંત માટે છે હાનિકારક, સાવધાની રાખવી જરૂરી
ખરાબ જીવનશૈલીના (Lifestyle) કારણે પણ દાંતના પીળા થવાનું પ્રમાણ ખૂબ વધી જાય છે. કેટલાક એવા ખોરાક છે, જે આપણા દાંત પર ખૂબ જ ખરાબ અસર કરે છે. જેના કારણે દાંત પીળા પડી જાય છે.
દાંત આપણા વ્યક્તિત્વનો ખૂબ જ મહત્વપૂર્ણ ભાગ છે. કેટલીકવાર આપણા દાંત તેમની કુદરતી ચમક ગુમાવી દે છે. ઘણી વખત માત્ર દાંતની સમસ્યાઓ જ નહીં પરંતુ ખરાબ જીવનશૈલીના કારણે પણ દાંતના પીળા થવાનું પ્રમાણ ખૂબ વધી જાય છે. કેટલાક એવા ખોરાક છે જે આપણા દાંત પર ખૂબ જ ખરાબ અસર કરે છે. જેના કારણે દાંત પીળા પડી જાય છે. આવો જાણીએ ક્યા ફૂડ્સ છે જેને આપણે વધુ પડતા ટાળવા જોઈએ.
બ્લેક કોફી - વ્યસ્ત શેડ્યૂલને કારણે, લોકો આખો દિવસ એનર્જેટિક રહેવા માટે ઘણી વખત વધુ બ્લેક કોફી પીવે છે. પરંતુ વધુ પડતી બ્લેક કોફી પીવાથી દાંતને નુકસાન થાય છે. તે સ્વાસ્થ્ય માટે હાનિકારક પણ હોઈ શકે છે.
ચા - ચા એ સૌથી વધુ ઉપયોગમાં લેવાતા પીણાઓમાંનું એક છે. પરંતુ વધુ ચા પીવાથી દાંતની ચમક જતી રહે છે. તમે ચાને બદલે ગ્રીન ટીનો ઉપયોગ કરી શકો છો. આ હર્બલ ટી સ્વાસ્થ્ય માટે પણ સારો વિકલ્પ છે.
વાઈન - જો તમને રેડ વાઈન પીવી ગમે છે તો તેનું સેવન મર્યાદિત માત્રામાં કરો. તેનું વધુ પડતું સેવન દાંત માટે હાનિકારક સાબિત થઈ શકે છે. તેમાં ઘણા એસિડ હોય છે. તેઓ દાંતને નુકસાન પહોંચાડે છે.
તમાકુ - તમાકુ સ્વાસ્થ્ય માટે ખૂબ જ હાનિકારક છે. દાંત પર તેની ખૂબ જ ખરાબ અસર પડે છે. ધૂમ્રપાન અને તમાકુ ચાવવાથી દાંત પર ડાઘ પડી શકે છે. તેથી તમાકુથી અંતર રાખો.