CWG 2026 : બોક્સિંગમાં ટીમ ઈન્ડિયાનો દબદબો! એક જ દિવસે 5 મેડલ મેળવ્યા, તમામ મુકાબલા જીત્યા
સૌથી પહેલા, ભારતે વેઈટલિફ્ટિંગમાં સફળતા મેળવી. ત્યારબાદ હવે ભારતને બોક્સિંગમાં સફળતા મળી રહી છે. દેશના પાંચ બોક્સરોએ એક જ દિવસમાં મહિલા અને પુરુષોના વિવિધ વજન વર્ગમાં ભારતના પાંચ બોક્સરોએ જીત મેળવી અને સેમિફાઇનલમાં પ્રવેશ કર્યો અને સાથે જ પોતાના મેડલ પણ નિશ્ચિત કર્યા.
કોમનવેલ્થ ગેમ્સ 2026માં ભારતના મેડલની સંખ્યા સતત વધી રહી છે. વેઇટલિફ્ટિંગમાં અનેક મેડલ જીત્યા બાદ હવે ભારતીય બોક્સરો પણ પોતાની છાપ છોડી રહ્યા છે. ખાસ કરીને બુધવાર, 29 જુલાઈના રોજ એક પછી એક 5 ભારતીય બોક્સરોએ મેડલ જીત્યા છે. (Image Source | Getty Images)
29 જુલાઈએ ક્વાર્ટર ફાઇનલની શરૂઆત સાક્ષી ચૌધરીએ કરી હતી. મહિલાઓના 51 કિલોગ્રામ વજન વર્ગમાં તેણે નોર્ધન આયર્લેન્ડની બોક્સરને 5-0થી હરાવી સેમિફાઇનલમાં સ્થાન મેળવ્યું છે. આ જીત સાથે તેનો મેડલ પણ નિશ્ચિત થયું છે. હવે તેને કયો મેડલ મળશે તેનો નિર્ણય આગામી મુકાબલામાં થશે. (Image Source | Getty Images)
સાક્ષી ચૌધરી બાદ મહિલાઓના 70 કિલોગ્રામ વર્ગમાં અરુણધતી ચૌધરીએ શાનદાર રમત રમી. તેણે ક્વાર્ટર ફાઇનલમાં ન્યૂઝીલેન્ડની મોર્ગન હેન્ડરસનને 3-1થી હરાવી સેમિફાઇનલમાં પ્રવેશ કર્યો અને મેડલ પણ પાક્કો કર્યો છે. (Image Source | Getty Images)
પુરુષ વર્ગમાં સૌપ્રથમ સચિન સિવાચ મેદાનમાં ઉતર્યો. પુરુષોના 60 કિલોગ્રામ વર્ગમાં તેણે બોત્સવાનાના ટ્રેઝર મોરેમીને 5-0થી હરાવ્યું. સાથે તે સેમિફાઇનલમાં પણ જગ્યા બનાવી. તેની સાથે જ તેનું એક મેડલ પાક્કું થયું છે. (Image Source | Getty Images)
પુરુષોના 80 કિલોગ્રામ વર્ગમાં અંકુશ યાદવે ક્વાર્ટર ફાઇનલમાં જીત મેળવી. તે એન્ટિગુઆ અને બારબુડાના 19 વર્ષીય બોક્સરને 5-0થી હરાવી સેમિફાઇનલમાં પ્રવેશ કર્યો છે. સાથે જ મેડલ પોતાના નામે કર્યો છે. (Image Source | Getty Images)
ત્યારબાદ હેવીવેઇટ 90 કિલોગ્રામથી વધુ વર્ગમાં નરેન્દ્રનો મુકાબલો સમોઆના માઇકલ સેકો સામે થયો. આ મુકાબલો રોમાંચક રહ્યો હતો. અંતે નરેન્દ્રે 3-2ના સ્પ્લિટ ડિસિઝનથી જીત મેળવી. સાથે સેમિફાઇનલમાં સ્થાન મેળવ્યું અને ભારત માટે પાંચમો મેડલ પણ નિશ્ચિત કર્યો. (Image Source | Getty Images)
