આજે સુરતના મહેમાન બન્યા ક્રિકેટના દિગ્ગજો, લાલભાઈ કોન્ટ્રાક્ટર સ્ટેડિયમ ખાતે આજથી મેચ શરુ
લિજેન્ડ્સ ક્રિકેટ લીગ 2023ની શરુઆત રાંચીથી થઈ હતી, આ ક્રિકેટ લીગનું સમાપન સુરતમાં થશે. સુરત શહેરના લાલભાઈ કોન્ટ્રક્ટર સ્ટેડિયમ ખાતે ક્રિકેટના દિગ્ગજો આવી ચૂક્યા છે. ત્યારે જો તમે સુરતમાં રહો છો અને આ મેચ જોવાનો લાભ લેવા માંગો છો. તો તમે ઓનલાઈન ટિકિટ બુક કરાવી શકો છો.
લિજેન્ડ્સ ક્રિકેટ લીગ 2023ની શરુઆત 18 નવેમ્બરે રાંચીથી શરુ થઈ હતી. લિજેન્ડ્સ ક્રિકેટ લીગ 2023ની મેચો રાંચી, દેહરાદૂન, જમ્મુ, વિશાખાપટ્ટનમ રમાય ચૂકી છે અને હવે સુરતમાં ક્વોલિફાયર રાઉન્ડ અને ફાઈનલ મેચ રમાશે.
ઇન્ડિયા કેપિટલ્સ, મણિપાલ ટાઇગર્સ, ગુજરાત જાયન્ટ્સ, અર્બનાઇઝર્સ હૈદરાબાદ, સધર્ન સુપરસ્ટાર્સ, ભીલવાડા કિંગ્સ લિજેન્ડ ક્રિકેટમાં સામેલ છે.આજે મણિપાલ અને હૈદરાબાદ વચ્ચે ક્વોલિફાયર રાઉન્ડ 1 રમશે.
આજથી એટલે કે 5 ડિસેમ્બરથી લિજેન્ડ ક્રિકેટ લીગમાં ક્વોલિફાયર 1 સાંજે 7 વાગ્યેથી શરુ થશે. ત્યારબાદ6 ડિસેમ્બર, 2023 એલિમિનેટર સાંજે 7 અને 7 ડિસેમ્બર, 2023 ક્વોલિફાયર 2 સાંજે 7 વાગ્યે રમાશે. ત્યારે લિજેન્ડસ ક્રિકેટ લીગની ફાઈનલ મેચ 9 ડિસેમ્બર, 2023ના સાંજે 7 વાગ્યે રમાશે.
લિજેન્ડ ક્રિકેટ લીગનો ક્વોલિફાયર રાઉન્જડ મણિપાલ ટાઈગર્સ, હૈદરાબાદ, ગુજરાત જાયન્ટસ અને ઈન્ડિયા કેપિટલ્સ વચ્ચે રમાશે. આ ટીમની મેચ સુરતના લાલભાઈ કોન્ટ્રાક્ટર સ્ટેડિયમ ખાતે રમાશે. જે તમે સ્ટેડિયમમાં જઈ મેચ જોવા માંગો છો તો પેટીએમ પર જઈ ઓનલાઈન ટિકિટ બુક કરી શકો છો.
આપણે લિજેન્ડ ક્રિકેટ લીગના પોઈન્ટ ટેબલની વાત કરીએ તો મણિપાલ ટાઇગર્સ 7 પોઈન્ટ સાથે પહેલા નબંર પર છે. ત્યારબાદ ક્રમશ હૈદરાબાદ, ગુજરાત જાયન્ટસ, ઈન્ડિયા કેપિટલ્સ ,સધર્ન સુપરસ્ટાર્સ, ભીલવાડા કિંગ્સ છેલ્લા સ્થાને છે. આમાંથી હવે ક્વોલિયફાયર રાઉન્ડ રમાશે. (All photo : llct20.com)