IPL 2024: KKR vs RCBની મેચમાં જોવા મળ્યો છેલ્લા બોલનો રોમાંચ, એક જ ઓવરમાં બે વાર પલટાઈ મેચ
KKR vs RCB: ની 36મી મેચ રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચે રમાઈ હતી. આ મેચમાં કોલકાતા નાઈટ રાઈડર્સે શાનદાર જીત નોંધાવી હતી. ટૂર્નામેન્ટમાં RCB માટે મુશ્કેલીઓ વધી ગઈ છે.
છેલ્લી ઓવરોમાં રમનદીપ સિંહનું તોફાન જોવા મળ્યું હતું. જેણે 9 બોલમાં 24 રન બનાવ્યા હતા. આ સાથે જ આન્દ્રે રસેલે 20 બોલમાં 27 રન બનાવ્યા હતા. આ રીતે KKRએ 222 રન બનાવ્યા. RCB તરફથી યશ દયાલ અને કેમરન ગ્રીનને 2-2 વિકેટ મળી હતી. જ્યારે મોહમ્મદ સિરાજ અને લોકી ફર્ગ્યુસનને 1-1 વિકેટ મળી હતી.
હવે રોયલ ચેલેન્જર્સ બેંગ્લોરની ઇનિંગમાં ફાફ ડુ પ્લેસિસ અને વિરાટ કોહલી બેંગ્લોર માટે ઓપનિંગ કરવા આવ્યા હતા. કોહલીએ શરૂઆતમાં સારી બેટિંગ કરી હતી. પરંતુ અમ્પાયરે તેને નો બોલ પર આઉટ આપ્યો હતો. બોલ તેની કમરથી ઉપર હતો, છતાં અમ્પાયરે વિરાટને આઉટ આપ્યો હતો. આ રીતે વિરાટ 7 બોલમાં 18 રન બનાવીને આઉટ થયો હતો. તેની વિકેટ હર્ષિત રાણાએ લીધી હતી. ડુપ્લેસિસ પણ 7 બોલમાં 7 રન બનાવીને આઉટ થયો હતો. વિલ જેક્સના બેટથી સારી ઇનિંગ જોવા મળી હતી. જેકે 32 બોલમાં 55 રનની ઇનિંગ રમી હતી.
જ્યારે પાટીદાર 23 બોલમાં 52 રન બનાવીને આઉટ થયો હતો. કેમરૂન ગ્રીન 4 બોલમાં 6 રન બનાવીને આઉટ થયો હતો. મહિપાલ લોમરોર 4 રન બનાવીને આઉટ થયો હતો. પ્રભુદેસાઈ સારી બેટિંગ કરી રહ્યા હતા. પરંતુ તે 18 બોલમાં 24 રન બનાવીને આઉટ થયો હતો.
દિનેશ કાર્તિક પાસેથી પણ અપેક્ષાઓ હતી પરંતુ તે આઉટ થયો હતો. કર્ણ શર્માએ આરસીબી માટે આશા જગાવી હતી. તેણે 7માં 20 રન બનાવ્યા હતા. રોમાંચક મેચમાં બેંગલુરુ KKR સામે 1 રનથી હારી ગયું હતું.
આરસીબીએ આ સિઝનમાં અત્યાર સુધી 8માંથી માત્ર 1 મેચ જીતી છે. આવી સ્થિતિમાં તેમના માટે પ્લેઓફમાં જગ્યા બનાવવી મુશ્કેલ બની જશે. હવે તેણે બાકીની તમામ મેચ જીતવી પડશે. આ સિવાય તેઓ ટૂર્નામેન્ટમાં રહે છે કે નહીં તે પણ અન્ય ટીમો પર નિર્ભર રહેશે.
