ભારતીય ક્રિકેટર નવદીપ સૈનીએ કર્યા લગ્ન, જાણો કોણ છે તેની દુલ્હન, જુઓ ફોટો
ઝીલોની નગરી ઉદયપુર બીજા એક રોયલ વેડિંગનું સાક્ષી બન્યું. અહીં ભારતીય ક્રિકેટ ટીમના ફાસ્ટ બોલર નવદીપ સૈનીએ તેની ગર્લફ્રેન્ડ સ્વાતિ અસ્થાના સાથે લગ્ન કર્યા. બંનેએ ગુરુવારે શહેરના સુંદર દેબારી સ્થિત આનંદમ રિસોર્ટમાં પંજાબી રીતિ-રિવાજ મુજબ ખૂબ જ ધામધૂમથી લગ્ન કર્યા.
31 વર્ષીય ક્રિકેટર નવદીપ સૈનીએ ગુરુવારે તેના જન્મદિવસ પર પોતાના ઈન્સ્ટાગ્રામ એકાઉન્ટ પર લગ્નની તસવીરો પોસ્ટ કરીને આ જાણકારી આપી છે. લગ્નમાં બંને પરિવારના મહેમાનો આવ્યા હતા. આ કપલ તસવીરોમાં ખૂબ જ સુંદર લાગી રહ્યું છે. નવદીપ સૈની કરનાલ હરિયાણાનો છે અને સ્થાનિક ક્રિકેટમાં દિલ્હીનું પ્રતિનિધિત્વ કરે છે. નવદીપ સૈનીને ભારતીય ક્રિકેટર મોહમ્મદ સિરાજ, અર્શદીપ સિંહ, ઉમરાન મલિક, આરપી સિંહ અને રાહુલ તેવતિયાએ સોશિયલ મીડિયા પર તેના લગ્ન માટે શુભેચ્છા પાઠવી છે. (Image: Instagram)
નવદીપ સૈની ભારતીય ટીમના ત્રણેય ફોર્મેટમાં રમી ચૂક્યો છે, પરંતુ વર્ષ 2021 બાદથી તે કોઈપણ ફોર્મેટમાં આંતરરાષ્ટ્રીય સ્તરે રમતા જોવા મળ્યો નથી. તેના અત્યાર સુધીના કરિયરમાં તેને બે ટેસ્ટ, આઠ વનડે અને 11 ટી20 ઈન્ટરનેશનલ મેચ રમી છે, જેમાં તેને કુલ 32 મેચમાં 23 વિકેટ ઝડપી છે. (Image: Instagram)
નવદીપ આઈપીએલમાં રાજસ્થાન રોયલ્સ ટીમ તરફથી રમે છે. તેની પત્ની સ્વાતિ અસ્થાના સોશિયલ મીડિયા પર ખૂબ એક્ટિવ છે. સ્વાતિના સોશિયલ મીડિયા પર 82 હજારથી વધુ ફોલોઅર્સ છે. (Image: Instagram)
નવદીપ સૈની અને સ્વાતિ અસ્થાના લાંબા સમયથી રિલેશનશિપમાં હતા. હવે બંને કપલે લગ્ન કરવાનો નિર્ણય લીધો. પરંતુ સોશિયલ મીડિયા પર તસવીરો શેર કરીને લગ્નની માહિતી આપવામાં આવી હતી. (Image: Instagram)
નવદીપ સૈનીની પત્ની સ્વાતિ અસ્થાના ફેશન, ટ્રાવેલ અને લાઈફસ્ટાઈલ બ્લોગર છે. સ્વાતિ અસ્થાના તેની યુટ્યુબ ચેનલ પર સતત વીડિયો શેર કરે છે. આ સિવાય સ્વાતિ અસ્થાના સોશિયલ મીડિયા પર ઘણી એક્ટિવ છે. (Image: Instagram)