ભારત ઓસ્ટ્રેલિયા ટી20 માં કેપ્ટન થી લઈ બોલરનું શાનદાર પ્રદર્શન, જાણો કોણ છે સીરિઝના પ્લેયર ઓફ ધ મેચ
ભારત અને ઓસ્ટ્રેલિયા વચ્ચે બેંગ્લુરૂમાં પાંચ મેચનીT20 સીરિઝની અંતિમ મેચ રમાઈ હતી. આ સાથે ભારત ઓસ્ટ્રેલિયા વચ્ચેની સીરિઝ પૂર્ણ થઈ છે. જોકે આ 5 મેચની સીરિઝમાં ભારતે ઓસ્ટ્રેલિયાને 4-1 થી હરાવ્યું હતું. આ એવી સીરિઝ હતી જેમાં કેપ્ટન થી લઈ બોલરો પ્લેયર ઓફ ધ મેચ રહ્યા હતા.
વર્લ્ડ કપ ફાઇનલમાં મળેલી હારનો બદલો લેવા ભારતે કમર કસી હતી અને ટી20 સીરિઝ કબજે કરવાની નેમ સાથે મેદાને પડી હતી જોકે આ મેચમાં ભારત ની 4-1 થી જીત થઈ છે. એક મેચ ઓસ્ટ્રેલિયાના નામે થઈ છે.
T20 સીરિઝની પહેલી જ મેચ ખૂબ જ રોમાંચક બની હતી અને અંતિમ બોલ પર સિક્સર ફટકારી ભારતે ઓસ્ટ્રેલિયા સામે યાદગાર જીત અપાવી હતી. આ મેચમાં સૂર્યા અને ઈશાને શાનદાર ફિફ્ટી ફટકારી હતી. પહેલી T20 મેચમાં કેપ્ટન સૂર્યકુમાર યાદ દમદાર 80 રન બનાવી આઉટ થયો હતો. જોકે આ મેચમાં સૂર્યકુમાર યાદવ પ્લેયર ઓફ ધ મેચ રહ્યો હતો.
ભારત ઓસ્ટ્રેલિયા બીજી T20 મેચમાં ભારતે ઓસ્ટ્રેલિયાને હરાવ્યું, T20 સીરિઝમાં 2-0ની સરસાઈ મેળવી. ધમાકેદાર બેટિંગ બાદ દમદાર બોલિંગના સહારે ભારતે ઓસ્ટ્રેલિયાને બીજી T20 મેચમાં 44 રને હરાવ્યું હતું. આ બીજી T20 માં યશસ્વી જયસ્વાલ ફિફ્ટી ફટકારી આઉટ થયો હતો. યશસ્વીએ 25 બોલમાં બે સિક્સર અને નવ બાઉન્ડ્રી ફટકારી 53 રન બનાવ્યા હતા. અને પ્લેયર ઓફ ધ મેચ બન્યો હતો.
બીજી તરફ ત્રીજી ટી20 માં ગુવાહાટીમાં અંતિમ બોલ પર ઓસ્ટ્રેલિયાએ ભારતને 5 વિકેટે હરાવ્યું હતું. મેક્સવેલની મેજિકલ સદી ફટકારી હતી અને ઓસ્ટ્રેલિયાને એક બોલમાં 2 રનની જરૂર હતી. જોકે આ મેચ ઓસ્ટ્રેલિયા એ પોતાના નામે કરી હતી. જેમાં મેક્સવેલ પ્લેયર ઓફ ધ મેચ રહ્યો હતો.
સીરિઝની ચોથી મેચમાં ભારતે ઓસ્ટ્રેલિયાને 20 રને હરાવ્યું અને T20 સિરીઝ પોતાના નામે કરી હતી. આ સમયે ટીમ ઈન્ડિયાએ પાંચ મેચની T20 શ્રેણીમાં 3-1ની અજેય સરસાઈ મેળવી લીધી હતી. 52 રન પર જ ઓસ્ટ્રેલિયાની ત્રીજી વિકેટ પડી હતી. એરોન હાર્ડી નવ બોલમાં આઠ રન બનાવીને આઉટ થયો હતો. અક્ષર પટેલે તેને ક્લીન બોલ્ડ કર્યો હતો. આ મેચમાં અક્ષર પટેલ પ્લેયર ઓફ ધ મેચ રહ્યો હતો.
ભારત અને ઓસ્ટ્રેલિયા વચ્ચે પાંચ મેચની T20 સિરીઝની છેલ્લી મેચ બેંગલુરુના એમ ચિન્નાસ્વામી સ્ટેડિયમમાં રમાઈ હતી. આ મેચનો હીરો ગુજ્જુ પ્લેયર અક્ષર પટેલ રહ્યો છે. આ જીતમાં તેનું પર્ફોમન્સ શાનદાર રહ્યું છે. આ જીતમાં તેને બોલિંગ કરતાં એક વિકેટ ઝડપી છે. અક્ષર પટેલે મહત્ત્વપૂર્ણ વિકેટ લીધી હતી. તેને ટીમ ડેવિડની વિકેટ લઈને સૌથી મોટી 57 રનની પાર્ટનરશિપ તોડી હતી. અને પ્લેયર ઓફ ધ મેચ બન્યો હતો.
Published On - 11:58 pm, Sun, 3 December 23