IND vs SA: ભારતે શ્રેણી હારવા થી બચી દક્ષિણ આફ્રિકાના કર્યા કંગાળ હાલ, જાણો જીતના મુખ્ય કારણો
પ્રથમ બે મેચ હાર્યા બાદ એવું લાગ્યું કે યુવા ટીમ ઈન્ડિયા (Team India) ના દિગ્ગજ ટીમમાંથી બહાર થઈ ગયા બાદ દક્ષિણ આફ્રિકા સામે નબળી પડી ગઈ છે. પાંચ મેચોની શ્રેણીમાં પ્રથમ બે મેચ હાર્યા બાદ વાપસી કરવી સરળ નથી, પરંતુ ભારતે ત્રીજી મેચમાં શાનદાર જીત મેળવીને શ્રેણીમાં પોતાને જાળવી રાખવામાં સફળ રહ્યુ છે.
પ્રથમ બે મેચ હાર્યા બાદ એવું લાગ્યું કે યુવા ટીમ ઈન્ડિયા દિગ્ગજ ટીમમાંથી બહાર થઈ ગયા બાદ દક્ષિણ આફ્રિકા સામે નબળી પડી ગઈ છે. પાંચ મેચોની શ્રેણીમાં પ્રથમ બે મેચ હાર્યા બાદ વાપસી કરવી સરળ નથી, પરંતુ ભારતે ત્રીજી મેચમાં શાનદાર જીત મેળવીને શ્રેણીમાં પોતાની જાતને જાળવી રાખી છે. ટીમ ઈન્ડિયાએ મંગળવારે રમાયેલી ત્રીજી T20માં દક્ષિણ આફ્રિકાને 48 રને હરાવ્યું હતું. આ જીતનું કારણ શું હતા ? જાણો
આ મેચમાં ભારતે દક્ષિણ આફ્રિકા સામે પ્રથમ બેટિંગ કરતા 179 રન બનાવ્યા હતા. ઈશાન કિશન અને ઋતુરાજ ગાયકવાડની ભાગીદારીએ તેને આ સ્કોર સુધી લઈ જવાનો પાયો નાખ્યો હતો. ભારતની આ ઓપનિંગ જોડીએ પ્રથમ વિકેટ માટે 97 રન જોડ્યા હતા. આ જોડીએ માત્ર 10 ઓવરમાં આ આંકડો સ્પર્શ કર્યો હતો.
ઋતુરાજે છેલ્લી બે મેચોની નિષ્ફળતાઓને પાછળ છોડીને 35 બોલમાં સાત ચોગ્ગા અને બે છગ્ગાની મદદથી 57 રનની ઇનિંગ રમી હતી. તે જ સમયે, ઇશાન કિશને 35 બોલમાં 54 રન બનાવ્યા હતા. પોતાની ઇનિંગમાં આ બેટ્સમેને પાંચ ચોગ્ગા અને બે છગ્ગા ફટકાર્યા હતા.
આ મેચમાં ભારતના બે મહાન બોલર પોતાની લયમાં જોવા મળ્યા હતા. આ મેચમાં હર્ષલ પટેલ અને યુઝવેન્દ્ર ચહલે શાનદાર બોલિંગ કરી હતી. હર્ષલ પટેલે 3.1 ઓવરમાં 25 રન આપીને ચાર વિકેટ ઝડપી હતી. તે જ સમયે, ચહલે ચાર ઓવરમાં 20 રન આપીને ત્રણ સફળતાઓ મેળવી હતી.
ભારતીય બોલરોએ આ મેચમાં દક્ષિણ આફ્રિકાના બેટ્સમેનોને સારી શરૂઆત કરવા દીધી ન હતી અને સતત વિકેટો લેતા રહ્યા હતા. પરિણામ એ આવ્યું કે દક્ષિણ આફ્રિકાના બેટ્સમેનો દબાણમાં આવી ગયા અને ભાગીદારી કરી શક્યા નહીં, જેના કારણે તેઓ લક્ષ્યથી ઘણા પાછળ રહી ગયા.
Published On - 8:19 am, Wed, 15 June 22