“પાકિસ્તાની ક્રિકેટરની અકડ” સામે ઝૂક્યું આખું પાકિસ્તાન ક્રિકેટ બોર્ડ, જાણો શું હતું કારણ
પાકિસ્તાન ક્રિકેટ બોર્ડે મેચ દરમિયાન પાકિસ્તાની બેટ્સમેન આઝમ ખાનને તેના બેટ પર પેલેસ્ટાઈનનો ધ્વજ લગાવી પ્રદર્શન કરવા બદલ બેટ્સમેન આઝમ ખાનને દંડ ફટકારવાના નિર્ણય પર યુ-ટર્ન લીધો છે. જ્યારે આઝમ ખાનની ટીમ કરાચી વ્હાઇટ્સને રવિવારે નેશનલ સ્ટેડિયમમાં લાહોર બ્લૂઝ સામે રમી રહ્યા હતા ત્યારે તેમના બેટ પર પેલેસ્ટાઇનનો ધ્વજ હતો. આ પછી આઝમને મેચ ફીના 50 ટકા રકમ જેટલો દંડ ફટકારવામાં આવ્યો હતો. જો કે, PCBએ પાછળથી સમીક્ષા કરી અને મેચ અધિકારીઓ દ્વારા લાદવામાં આવેલ દંડને માફ કરવાનો નિર્ણય લીધો.
એવું પણ જાણવા મળ્યું હતું કે આઝમે અગાઉની બે મેચોમાં સમાન સ્ટીકરનો ઉપયોગ કર્યો હતો, પરંતુ રવિવારની મેચ પહેલા તેને આ બાબતે જાણ અથવા ચેતવણી આપવામાં આવી ન હતી. આ દંડના કારણે સોશિયલ મીડિયા અને ક્રિકેટ ચાહકો પર હોબાળો થયો હતો અને લોકોએ દંડ લગાવવા બદલ બોર્ડની ટીકા કરી હતી.
જે મેચમાં આઝમને દંડ ફટકારવામાં આવ્યો હતો તેનું લાઈવ ટેલિકાસ્ટ કરવામાં આવ્યું હતું. તે લાહોર બ્લૂઝ સામે કરાચી વ્હાઈટ્સ તરફથી રમી રહ્યો હતો. આઝમ 2021 થી નેશનલ ટીમ માટે રમ્યો નથી, પરંતુ T20 ફોર્મેટમાં તેના સારા પ્રદર્શનને કારણે તે પાકિસ્તાન ક્રિકેટ બોર્ડમાં તેનું ખૂબ નામ ચર્ચામાં હતું. ભારતમાં તાજેતરના ODI વર્લ્ડ કપ દરમિયાન, પાકિસ્તાનના વિકેટકીપર-બેટ્સમેન મુહમ્મદ રિઝવાને પણ ગાઝામાં પેલેસ્ટિનિયન લોકોના સમર્થનમાં ટ્વિટ કર્યું હતું, પરંતુ ICCના દંડથી બચી ગયો હતો કારણ કે ICCએ કહ્યું હતું કે આ તેમનો અંગત અભિપ્રાય હતો.
Published On - 4:59 pm, Tue, 28 November 23
