રિંકુ સિંહને લઈને આશિષ નેહરાએ કરી મોટી ભવિષ્યવાણી, જાણો શું કહ્યું
ભારતીય ક્રિકેટ ટીમને વર્લ્ડ કપ 2023ની ફાઈનલમાં હારનો સામનો કરવો પડ્યો હતો. પરંતુ ભારતીય ક્રિકેટ કંટ્રોલ બોર્ડ હવે આ ભૂલનું પુનરાવર્તન કરવા માંગતું નથી. આ કારણથી તેને ટી20 વર્લ્ડ કપ 2024ની તૈયારીઓ શરૂ કરી દીધી છે. રિપોર્ટ્સ મુજબ રોહિત શર્મા ટીમનો કેપ્ટન રહેશે. ટીમ ઈન્ડિયા પાસે ફિનિશર્સ માટે બે સારા વિકલ્પ છે. તેમાંથી એક રિંકુ સિંહ છે.
પૂર્વ ભારતીય ફાસ્ટ બોલર આશિષ નેહરાએ રિંકુ સિંહ વિશે એક મોટી વાત કહી છે. તે માને છે કે રિંકુ આવતા વર્ષના ટી20 વર્લ્ડ કપ 2024માં ફિનિશરની જગ્યા માટે "દાવેદાર" તરીકે ઉભરી આવ્યો છે. પરંતુ આશિષ નેહરા એ પણ માને છે કે આ પદ માટે રિંકુને તેના સાથી ખેલાડીઓ તરફથી સખત પડકારનો સામનો કરવો પડી શકે છે.
આશિષ નેહરાએ રિંકુ સિંહ વિશે જિયો સિનેમાને વાત કરતાં કહ્યું કે 'એમાં કોઈ શંકા નથી કે રિંકુ સિંહ ભારતની ટAC020 વર્લ્ડ કપ ટીમમાં સામેલ થવાનો દાવેદાર છે. પરંતુ વર્લ્ડ કપ હજુ દૂર છે અને તે જે સ્થાન માટે લડી રહ્યો છે તેના માટે ઘણા પડકારો છે.
રિંકુએ હાલમાં ઓસ્ટ્રેલિયા સામેની ટી20 સિરીઝમાં શાનદાર પ્રદર્શન કર્યું હતું. રિંકુને દક્ષિણ આફ્રિકા સામેની સિરીઝ માટે પણ ટીમમાં જગ્યા મળી છે. તેને ઓસ્ટ્રેલિયા સામે ફિનિશરની ભૂમિકા ખૂબ સારી રીતે ભજવી છે. રિંકુએ રાયપુરમાં 46 રનની શાનદાર ઈનિંગ રમી હતી. તેને તિરુવનંતપુરમમાં 31 રનની અણનમ ઈનિંગ રમી હતી. તેને વિશાખાપટ્ટનમમાં અણનમ 22 રન બનાવ્યા હતા.
ઘરેલુ મેચોમાં રિંકુના પ્રદર્શનની વાત કરીયે તો અત્યાર સુધી તેને 105 મેચમાં 2198 રન બનાવ્યા છે. આ દરમિયાન તેને 13 અડધી સદી ફટકારી છે. રિંકુનો સર્વશ્રેષ્ઠ ટી20 સ્કોર 79 રન છે. જો ટી20 ઈન્ટરનેશનલ મેચોમાં રિંકુનું પ્રદર્શન જોઈએ તો તે પણ સારું રહ્યું છે. રિંકુએ 9 મેચમાં 174 રન બનાવ્યા છે.
ટીમ ઈન્ડિયા માટે જીતેશ શર્મા પણ સારો વિકલ્પ બની શકે છે. તેને હાલમાં જ ભારતીય ટીમમાં સ્થાન મળ્યું છે. જીતેશે હાલમાં જ ઓસ્ટ્રેલિયા સામેની ટી20 મેચમાં 35 રનની ઈનિંગ રમી હતી. તેને રાયપુરમાં જોરદાર પ્રદર્શન કર્યું હતું. ડોમેસ્ટિક મેચોમાં જીતેશનો રેકોર્ડ સારો છે. તેને 101 ટી20 મેચમાં 2243 રન બનાવ્યા છે. તેને આ ફોર્મેટમાં એક સદી અને 10 અડધી સદી ફટકારી છે. જીતેશે 47 લિસ્ટ એ મેચમાં 1350 રન બનાવ્યા છે.