‘ડંકી’ને હિટ બનાવવા શાહરૂખનો માસ્ટરપ્લાન તૈયાર, પ્રમોશનમાં કરશે આ નવા કામ
ફિલ્મને સિનેમાઘરોમાં રિલીઝ કરતા પહેલા મેકર્સથી લઈને સ્ટાર્સ તેના પ્રમોશન માટે ઘણું પ્લાનિંગ કરી રહ્યા છે. શાહરૂખ ખાન અને ડંકીની ટીમ પણ અત્યારે આ પ્રોસેસમાં ખૂબ જ બિઝી છે. ડંકી રિલીઝ થાય તે પહેલા શાહરૂખ અને રાજકુમાર હિરાનીએ પોતાના માસ્ટરપ્લાન પર કામ શરૂ કરી દીધું છે.
ડંકીના મેકર્સ હાલમાં ખૂબ જ વ્યસ્ત છે. એક રિપોર્ટ મુજબ ડંકીનું બીજું ટ્રેલર 17 ડિસેમ્બરે રિલીઝ કરવાની તૈયારી ચાલી રહી છે. જે બાદ ફિલ્મની સ્ટોરી સાથે જોડાયેલી કેટલીક નવી વાતો સામે આવી શકે છે. શાહરૂખ એ જ દિવસે દુબઈ જવા રવાના થશે અને ડંકીનું ટ્રેલર બુર્જ ખલીફા પર બતાવવામાં આવશે. ત્યારબાદ કિંગ ખાન દુબઈ મોલના ડેક પરથી તેના ફેન્સ સાથે વાત કરશે.
17 ડિસેમ્બર શાહરૂખ માટે ખૂબ જ બિઝી બની શકે છે કારણ કે ફેન્સ સાથે વાત કર્યા પછી, દુબઈની એક ક્લબમાં એક ઈવેન્ટનું આયોજન કરવામાં આવશે. જ્યાં શાહરૂખે ભાગ લેવાનો રહેશે. ડંકીની રિલીઝ પહેલા અહીં જશ્નનો માહોલ જોવા મળશે. આ મામલો માત્ર દુબઈ પૂરતો સીમિત નથી, એવા પણ રિપોર્ટ છે કે શાહરૂખ અને ડાયરેક્ટર રાજકુમાર હિરાની પણ લંડન જવા રવાના થશે. જ્યાં ડંકીનું મોટા પાયે પ્રમોશન કરવામાં આવશે. લંડનમાં ફિલ્મના પ્રમોશન પાછળ પણ એક ખાસ કારણ છે. આ ફિલ્મની સ્ટોરી લંડનમાંથી પસાર થાય છે.
