Car Tips: ઉનાળામાં કાર કેમ ઓછી માઈલેજ આપવા લાગે છે? અહીં જાણો કારણ
ઉનાળો આવતાની સાથે જ કારની માઈલેજ કેમ ઘટી જાય છે? ચાલો જાણીએ કે ઉનાળામાં કારની માઈલેજ ઘટવા પાછળનું કારણ શું છે?
ઉનાળામાં કાર ઓછી માઈલેજ આપવા લાગે છે જેના કારણે કાર ચાલકો પરેશાન રહે છે કે શું થાય થે કે ઉનાળો આવતાની સાથે જ માઈલેજ અચાનક ઘટી જાય છે? આ સવાલનો જવાબ તો ઘણા લોકો જાણતા હશે પરંતુ હજુ પણ ઘણા લોકો એવા હશે જેઓ એ કારણ જાણવા માગે છે કે ઉનાળો આવતાની સાથે જ કારની માઈલેજ કેમ ઘટી જાય છે? ચાલો જાણીએ કે ઉનાળામાં કારની માઈલેજ ઘટવા પાછળનું કારણ શું છે?
એર કંડિશનર ઉર્ફે AC નો ઉપયોગઃ ઉનાળો આવતાની સાથે જ કારમાં AC દોડવા લાગે છે, જેનાથી એન્જિન પર વધુ દબાણ આવે છે. AC ચાલવાને કારણે એન્જિનને વધુ પાવરની જરૂર પડે છે, જે માઈલેજને અસર કરે છે.
ટાયર પર પ્રેશર વધવા લાગે છેઃ ઉનાળાની સીઝનમાં ટાયરની અંદરનું તાપમાન વધવા લાગે છે જેના કારણે ટાયર પર દબાણ વધી જાય છે. ટાયર પર દબાણ વધવાથી માઈલેજ ઘટવા લાગે છે. તમે ઉનાળામાં ટાયર ફાટવાની વાતો તો સાંભળી જ હશે, ખરાબ ટાયર જ નહીં, ટાયર ફાટવા પાછળનું કારણ ટાયરની અંદરના તાપમાનમાં વધારો પણ હોઈ શકે છે.
આ જ કારણ છે કે ઉનાળાની ઋતુમાં કારના ટાયરમાં સામાન્ય હવાને બદલે નાઈટ્રોજન ભરવું જોઈએ. નાઈટ્રોજન ટાયરની અંદરના તાપમાનને ઠંડુ રાખવામાં મદદ કરે છે, જેનાથી ટાયર પર વધારે દબાણ પડતું નથી.
આ માત્ર માઈલેજ જ નહીં પરંતુ ટાયરની લાઈફ પણ વધારે છે. નોંધ કરો કે પેટ્રોલ પંપ પર તમને સામાન્ય હવા મફતમાં મળશે પરંતુ નાઈટ્રોજન હવા માટે તમારે ટાયર દીઠ ચૂકવણી કરવી પડશે. સામાન્ય રીતે, પ્રથમ વખત નાઇટ્રોજન ભરવા માટે રૂ. 20 પ્રતિ ટાયર લેવામાં આવે છે અને બીજી વખતથી ફરીથી ભરવા માટે રૂ. 10 પ્રતિ ટાયર લેવામાં આવે છે.
એન્જિન ઓવરહિટીંગઃ ગરમીની ઋતુમાં એન્જિનનું તાપમાન સામાન્ય કરતા વધારે થઈ જાય છે, જેના કારણે એન્જિનની કાર્યક્ષમતામાં ઘટાડો થવા લાગે છે.
Published On - 12:34 pm, Fri, 28 February 25
