84 દિવસ માટે આ છે સૌથી સસ્તો રિચાર્જ પ્લાન, ઓછા ભાવે મોટો ફાયદો, જાણો અહીં
અમે તમને Jio, Airtel, Vodafone-Idea અને BSNLના તે રિચાર્જ પ્લાન વિશે જણાવવા જઈ રહ્યા છીએ, જેમાં યુઝર્સને દરરોજ 1.5 GB ડેટા અને 84 દિવસની વેલિડિટી મળે છે. ચાલો જોઈએ કે કઈ કંપનીનો પ્લાન બેસ્ટ છે.
ભારતમાં ચાર મોટી ટેલિકોમ કંપનીઓ છે. તેમાં Jio, Airtel, VI અને BSNLના નામ સામેલ છે. Jio, Airtel અને Vodafone-Idea ખાનગી ટેલિકોમ કંપનીઓ છે અને તે તમામે તાજેતરમાં તેમના પ્રીપેડ પ્લાનની કિંમતોમાં વધારો કર્યો છે. પરંતુ BSNL હજુ પણ તેના જૂના ભાવ જાળવી રહ્યું છે. અમે તમને આ કંપનીઓના તે રિચાર્જ પ્લાન વિશે જણાવવા જઈ રહ્યા છીએ, જેમાં યુઝર્સને દરરોજ 1.5 GB ડેટા અને 84 દિવસની વેલિડિટી સાથે કયો સૌથી સસ્તો છે અને તેમાં કયા કયા ફાયદા મળી રહ્યા છે જાણો અહીં
Jioનો જે પ્લાન પહેલા 666નો હતો તે પ્લાનની કિંમત વધીને સીધી 889 રૂપિયા થઈ ગઈ છે. આમાં પણ, યુઝરને 84 દિવસ માટે દરરોજ 1.5 GB ડેટા મળે છે, એટલે કે કુલ 126 જીબી ડેટા. આ સિવાય તેમાં અનલિમિટેડ કોલિંગ અને દરરોજ 100 SMS પણ ઉપલબ્ધ છે. આ પ્લાન સાથે, Jio Saavn Pro, Jio TV, Jio Cloud અને Jio સિનેમાનું મફત સબ્સ્ક્રિપ્શન ઉપલબ્ધ છે. પરંતુ તેમાં અમર્યાદિત 5G ડેટા પણ નથી.
Airtel'એરટેલનો પ્લાન 859 રૂપિયાનો છે. આમાં તમને 84 દિવસ માટે દરરોજ 1.5 GB ડેટા મળે છે, એટલે કે કુલ 126 GB ડેટા. આ ઉપરાંત, તમને દરરોજ અમર્યાદિત કૉલિંગ અને 100 SMS પણ મળે છે. આ પ્લાનમાં તમને Apollo 24/7 Circle, ફ્રી Hellotunes અને ફ્રી Wynk Music જેવી સેવાઓ પણ મળે છે.
VI પ્લાન પણ 859 રૂપિયાનો છે. આમાં, યુઝરને 84 દિવસ માટે દરરોજ 1.5 જીબી ડેટા મળે છે. ઉપરાંત, અમર્યાદિત કૉલિંગ અને દરરોજ 100 SMSની સુવિધા ઉપલબ્ધ છે. આ સાથે, Binge All Night, Weekend Data Rollover અને Data Delight જેવી સેવાઓ પણ પ્લાનમાં ઉપલબ્ધ છે.
BSNLનો પ્લાન સૌથી સસ્તો છે અને તે 485 રૂપિયામાં આવે છે, પરંતુ આમાં તમને 82 દિવસની વેલિડિટી મળે છે. આમાં, તમને દરરોજ 1.5 GB ડેટા, અમર્યાદિત કૉલિંગ અને દરરોજ 100 SMS મળશે. આ પ્લાનમાં અન્ય કોઈ લાભ નથી.
જો તમામ પ્લાનની સરખામણી કરીએ તો સૌથી સસ્તો પ્લાન BSNLનો છે. પરંતુ, તેની વેલિડિટી 2 દિવસની ઓછી છે અને અન્ય કોઈ લાભ નથી. જો તમને માત્ર ડેટા અને કોલિંગ માટે સસ્તો પ્લાન જોઈએ છે, તો તમે BSNL પ્લાન લઈ શકો છો. જો તમને વધુ લાભ જોઈએ છે તો તમે અન્ય કંપનીઓની યોજનાઓ વિશે વિચારી શકો છો.