Breaking News FIFA World Cup 2026: સેમિફાઇનલ જીત્યા પછી અર્જેન્ટિનાએ શું કર્યું ? હવે FIFA તરફથી થઈ શકે છે કડક કાર્યવાહી
ઇંગ્લેન્ડ સામે સેમિફાઇનલ જીત્યા બાદ અર્જેન્ટિનાના ખેલાડીઓએ રાજકીય સંદેશ ધરાવતું બેનર પ્રદર્શિત કર્યું. FIFAના નિયમો મુજબ રાજકીય સંદેશ પર પ્રતિબંધ હોવાથી હવે ટીમ સામે કાર્યવાહી થવાની શક્યતા વ્યક્ત થઈ રહી છે.
અર્જેન્ટિનાએ વર્લ્ડ કપ 2026ની સેમિફાઇનલમાં ઇંગ્લેન્ડને હરાવીને ફાઇનલમાં શાનદાર એન્ટ્રી કરી છે. જોકે મેચ જીત્યા બાદની ઉજવણી દરમિયાન બનેલી એક ઘટનાએ ટીમ માટે નવી મુશ્કેલી ઊભી કરી છે. હવે આ મામલે FIFA દ્વારા શિસ્તભંગની કાર્યવાહી થવાની શક્યતા વ્યક્ત કરવામાં આવી રહી છે.
જીતની ઉજવણી દરમિયાન વિવાદાસ્પદ બેનર લહેરાવાયું: ઇંગ્લેન્ડ સામે 2-1ની રોમાંચક જીત બાદ અર્જેન્ટિનાના ખેલાડીઓ મેદાન પર ઉજવણીમાં વ્યસ્ત હતા. તે દરમિયાન ટીમના મિડફિલ્ડર જીઓવાની લો સેલ્સોના હાથમાં એક બેનર જોવા મળ્યું, જેના પર સ્પેનિશ ભાષામાં "Las Malvinas Son Argentinas" લખેલું હતું. આ સંદેશ દ્વારા અર્જેન્ટિનાએ ફોકલેન્ડ ટાપુઓ (માલ્વિનાસ) પર પોતાનો દાવો વ્યક્ત કર્યો હોવાનું માનવામાં આવે છે. (Image Credit source: PTI)
મેચ બાદ સોશિયલ મીડિયા પર વાયરલ થયેલી તસવીરોમાં કેટલીક જગ્યાએ લો સેલ્સો એકલા આ બેનર સાથે જોવા મળે છે, જ્યારે અન્ય તસવીરોમાં તેઓ ટીમના ડિફેન્ડર નિકોલાસ ઓટામેન્ડી સાથે આ બેનર પકડીને ઉજવણી કરતા નજરે પડે છે. (Image Credit source: ANI
FIFAના નિયમો હેઠળ કાર્યવાહી શક્ય: આ ઘટના બાદ હવે FIFA અને ઇન્ટરનેશનલ ફૂટબોલ એસોસિએશન બોર્ડ (IFAB) આ મામલાની તપાસ કરી શકે છે. ફૂટબોલના આંતરરાષ્ટ્રીય નિયમો મુજબ સત્તાવાર મેચો અથવા ટૂર્નામેન્ટ દરમિયાન કોઈપણ પ્રકારના રાજકીય સંદેશ, ઝંડા અથવા વિવાદાસ્પદ બેનરનું પ્રદર્શન મંજૂર નથી. (Image Credit source: PTI)
જો તપાસ દરમિયાન આ બેનરને રાજકીય સંદેશ તરીકે ગણવામાં આવશે તો અર્જેન્ટિના ફૂટબોલ એસોસિએશન અથવા સંબંધિત ખેલાડીઓ સામે દંડ, ચેતવણી અથવા અન્ય શિસ્તભંગના પગલાં લેવામાં આવી શકે છે. જોકે અત્યાર સુધી FIFA તરફથી આ મામલે કોઈ સત્તાવાર જાહેરાત કરવામાં આવી નથી. (Image Credit source: PTI)
અર્જેન્ટિના અને ઇંગ્લેન્ડ વચ્ચે રમાયેલી સેમિફાઇનલ ખૂબ જ રોમાંચક રહી હતી. પ્રથમ હાફમાં બંને ટીમો એકપણ ગોલ કરી શકી નહોતી. બીજા હાફમાં ઇંગ્લેન્ડે પ્રથમ ગોલ કરીને 84મી મિનિટ સુધી 1-0ની લીડ જાળવી રાખી હતી. (Image Credit source: PTI)
પરંતુ અંતિમ મિનિટોમાં મેચનું ચિત્ર સંપૂર્ણપણે બદલાઈ ગયું. ટીમના કેપ્ટન લિયોનેલ મેસીએ સતત બે અસિસ્ટ આપ્યા, જેના આધારે એન્ઝો ફર્નાન્ડેઝ અને લાઉટારો માર્ટિનેઝે ગોલ નોંધાવ્યા. (Image Credit source: PTI)
આ બંને ગોલના કારણે અર્જેન્ટિનાએ માત્ર થોડા જ મિનિટોમાં મેચ 2-1થી પોતાના નામે કરી લીધી અને વર્લ્ડ કપ 2026ની ફાઇનલમાં સ્થાન પાક્કું કર્યું. (Image Credit source: PTI)
હવે એક તરફ અર્જેન્ટિના વિશ્વ ચેમ્પિયન બનવાના સપનાથી માત્ર એક પગલું દૂર છે, તો બીજી તરફ ઉજવણી દરમિયાન દેખાડવામાં આવેલા બેનરને કારણે ટીમને FIFAની શિસ્તભંગ કાર્યવાહીનો સામનો કરવો પડી શકે છે. આગામી દિવસોમાં આ મામલે FIFA શું નિર્ણય લે છે તેના પર સમગ્ર ફૂટબોલ જગતની નજર રહેશે. (Image Credit source: PTI)
