BPCL ના અચ્છે દિન શરૂ, બીપીસીએલના શેરે એક વર્ષમાં આપ્યું 30 ટકાથી વધારે રિટર્ન
ભારત પેટ્રોલિયમ કોર્પોરેશન લિમિટેડ એટલે કે BPCL 14,273 નવા પેટ્રોલ પંપ ખોલવા જઈ રહી છે. કંપનીએ તેના ફ્યુઅલ રિટેલ નેટવર્કને વિસ્તારવાની યોજના બનાવી છે. આ નવા પંપ તેના નેટવર્કમાં લગભગ બે તૃતિયાંશ જેટલો વધારો કરશે. નવા પંપ ખોલવાની જાહેરાત બાદ આજે એટલે કે 16 નવેમ્બર, ગુરુવારના રોજ તેના શેરના ભાવમાં વધારો જોવા મળ્યો હતો.
ભારત પેટ્રોલિયમ કોર્પોરેશન લિમિટેડ એટલે કે BPCL 14,273 નવા પેટ્રોલ પંપ ખોલવા જઈ રહી છે. કંપનીએ તેના ફ્યુઅલ રિટેલ નેટવર્કને વિસ્તારવાની યોજના બનાવી છે. આ નવા પંપ તેના નેટવર્કમાં લગભગ બે તૃતિયાંશ જેટલો વધારો કરશે.
નવા પંપ ખોલવાની જાહેરાત બાદ આજે એટલે કે 16 નવેમ્બર, ગુરુવારના રોજ તેના શેરના ભાવમાં વધારો જોવા મળ્યો હતો. આજે શેર 394 ના સ્તર પર ખુલ્યો હતો અને 401.30 ના હાઈ લેવલ પર પહોંચ્યો હતો. આજે શેર 5.40 રૂપિયાના વધારા સાથે 397.95 પર બંધ થયો હતો.
જો છેલ્લા 5 દિવસની વાત કરીએ તો BPCL ના શેરે 2.49 ટકાનું રિટર્ન આપ્યું છે. જો આપણે રૂપિયામાં ગણતરી કરીએ તો તે 9.65 રૂપિયા થાય છે.
BPCL ના શેરમાં છેલ્લા 1 માસમાં 43.25 રૂપિયાનો વધારો થયો છે. એટલે કે શેરે રોકાણકારોને એક મહિનામાં 12.19 ટકાનું રિટર્ન આપ્યું છે.
છેલ્લા 6 મહિનાની વાત કરીએ તો બીપીસીએલના શેરે ઈન્વેસ્ટર્સને 33.20 રૂપિયાનું વળતર આપ્યું છે. શેર 6 માસમાં 9.10 ટકા વધ્યો હતો.
જો આપણે જાન્યુઆરી 2023 થી આજ દિન સુધીની વાત કરીએ તો શેરમાં 64.10 રૂપિયાનું રિટર્ન રોકાણકારોને મળ્યું છે. એટલે કે BPCL એ 19.20 ટકા વળતર આપ્યું છે.
જે ઈન્વેસ્ટરે એક વર્ષ પહેલા BPCL ના શેરમાં રોકાણ કર્યું હતું તેઓને હાલ 30.39 ટકાનું રિટર્ન મળ્યું છે. કંપનીએ 1 વર્ષ દરમિયાન 92.75 રૂપિયાનું વળતર આપ્યું છે.