Borana Weaves IPO : સુરતી કંપની પર તુટી પડ્યા રોકાણકારો, 3 વર્ષમાં 13 ગણો પ્રોફિટ, રોકાણ કરવા માટે કાલે છેલ્લી તક
Borana Weaves IPO: બોરાના વીવ્સના ઇનિશિયલ પબ્લિક ઓફરિંગ (IPO) ને પહેલા દિવસે રોકાણકારો તરફથી સારો પ્રતિસાદ મળી રહ્યો છે. કંપની માટે બિડિંગ આજે 20 મેના રોજ ખુલ્યું હતું અને પહેલા 3 કલાકમાં તે લગભગ 4 વખત સબસ્ક્રાઇબ થયું હતું. બોરાના વીવ્ઝના IPOનું કદ 145 કરોડ રૂપિયા છે અને આ IPO 20 થી 22 મે સુધી બોલી લગાવવા માટે ખુલ્લો છે.
આ IPOમાંથી એકત્ર કરાયેલા ભંડોળનો મોટો હિસ્સો સુરત (ગુજરાત) માં એક નવો ગ્રે ફેબ્રિક ઉત્પાદન એકમ સ્થાપવા માટે ઉપયોગમાં લેવાશે. કંપની આ ભંડોળનો ઉપયોગ તેની કાર્યકારી મૂડીની જરૂરિયાતોને પૂર્ણ કરવા અને સામાન્ય કોર્પોરેટ હેતુઓ માટે પણ કરશે.
ઇન્વેસ્ટગેન પર ઉપલબ્ધ ડેટા અનુસાર, બોરાના વીવ્સના શેર 20 મે, મંગળવારના રોજ ગ્રે માર્કેટમાં ₹271 પર ટ્રેડ થઈ રહ્યા હતા. આ તેના IPO ભાવ ₹216 કરતાં લગભગ 25 ટકા ગ્રે માર્કેટ પ્રીમિયમ (GMP) દર્શાવે છે.
બોરોના વીવ્સની સ્થાપના વર્ષ 2020 માં કરવામાં આવી હતી. આ કંપની અનબ્લીચ્ડ સિન્થેટિક ગ્રે ફેબ્રિકના ઉત્પાદનમાં રોકાયેલી છે. તે એક મૂળભૂત કાચો માલ છે, જેનો ઉપયોગ રંગકામ, છાપકામ વગેરે પ્રક્રિયાઓમાં પણ થાય છે. તેના ઉત્પાદનોનો ઉપયોગ ફેશન, પરંપરાગત કાપડ, ગૃહ સજાવટ અને આંતરિક ડિઝાઇન જેવા ક્ષેત્રોમાં થાય છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.
