Bigg Boss 15 : તેજસ્વી પ્રકાશ સાથે લડાઇ બાદ તૂટી ગયો કરણ કુન્દ્રા, કહ્યુ – મારી સાથે જ કેમ આવું થાય છે ?
છેલ્લા કેટલાક દિવસોથી કરણ કુન્દ્રા અને તેજસ્વી પ્રકાશ વચ્ચે ઘણી લડાઈ ચાલી રહી છે. બંને વચ્ચે આ અણબનાવ વધી રહ્યો છે અને હાલમાં જ તેજસ્વી સાથેની લડાઈ બાદ કરણનું બ્રેકઅપ થઈ ગયું છે.
બિગ બોસની આ સિઝનના સૌથી લોકપ્રિય સ્પર્ધકો છે કરણ કુન્દ્રા અને તેજસ્વી પ્રકાશ. શોમાં બંને વચ્ચે ઘણી નિકટતા જોવા મળી હતી અને દર્શકો પણ આ જોડીને પસંદ કરી રહ્યા હતા. પરંતુ લાગે છે કે હવે બંનેના સંબંધો પર કોઈની નજર પડી ગઈ છે. થોડા દિવસોથી બંને વચ્ચે ઘણી લડાઈ ચાલી રહી છે.
શોના આગામી એપિસોડમાં જોવા મળશે કે કરણ અને તેજસ્વીના સંબંધોમાં વધુ તિરાડ આવશે અને તે પછી કરણ ભાંગી પડશે. ખરેખર, શોનો નવો પ્રોમો સામે આવ્યો છે જેમાં કરણ, તેજશ્વી વચ્ચે ઝગડો થાય છે. તેજસ્વી કરણને કહે છે કે તુ બદલાઇ ગયો છે. અને તને જોઇને લાગે છે કે આપણા વચ્ચે ક્યારે લાગણીઓ હતી જ નહીં
આ નિવેદન સાંભળીને કરણ ગુસ્સે થઈ જાય છે અને નારાજ થઈ જાય છે. તે પોતાના દિલની સ્થિતિ નિશાંત ભટ્ટને કહે છે અને કહે છે, જેના માટે 8 અઠવાડિયા રહી ગયો તે મારા પ્રેમ વિશે પૂછે છે.
કરણ ફરી રડવા લાગે છે અને નિશાંત ભટ્ટને કહે છે કે મારી સાથે આવું હંમેશા થાય છે. તેજસ્વી પણ નિશાંત સાથે વાત કરે છે અને કહે છે, તેણે મને એ લેવલ પર લાવી દીધી છે કે એને લાગે છે હું જે પણ કઇં કરુ છુ તે કેમેરા માટે કરું છુ. મારી સાથે અહીં કોઇ નથી બધુ સમાપ્ત થઇ ગયુ.
હવે બંનેના સંબંધોમાં જે રીતે તિરાડ પડી રહી છે તે જોતા લાગે છે કે બંનેના સંબંધો શોમાં જ ન પતી જાય. જો કે ચાહકોને આશા છે કે આવનારા એપિસોડમાં બંને વચ્ચે બધુ બરાબર થઈ જશે અને બંને ફરી સાથે મળી જશે.