ભોજપુરી ક્વીન અક્ષરા સિંહે મચાવી ધમાલ, મળ્યો બેસ્ટ સિંગિંગ સેંસેશન ઓફ ધ યરનો એવોર્ડ
ભોજપુરી ઇન્ડસ્ટ્રીની લોકપ્રિય અભિનેત્રી અને ગાયિકા અક્ષરા સિંહનો કરિયર ગ્રાફ આ દિવસોમાં ઝડપથી વધી રહ્યો છે. અભિનેત્રી એક પછી એક મોટી સિદ્ધિ મેળવી રહી છે.
ભોજપુરી અભિનેત્રી અક્ષરા સિંહ હાલમાં દરેક જગ્યાએ છવાયેલી છે. તે ભોજપુરી ઈન્ડસ્ટ્રીની ગ્લેમરસ અભિનેત્રીઓમાંની એક છે. હવે બધા જાણે છે કે અક્ષરા જેટલી સારી અભિનેત્રી છે એટલી જ સારી ગાયિકા પણ છે.
અક્ષરાના ગીતોની હંમેશા ધૂમ રહે છે અને આ જ કારણ છે કે તાજેતરમાં જ અભિનેત્રીને વર્ષ 2021 માટે બેસ્ટ સિંગિંગ સેન્સેશન ઓફ ધ યરનો એવોર્ડ આપવામાં આવ્યો છે. અક્ષરા આ એવોર્ડ મેળવીને ઘણી ખુશ છે.
તમને જણાવી દઈએ કે અક્ષરા થોડા દિવસો પહેલા બિગ બોસ ઓટીટીમાં જોવા મળી હતી. આ દરમિયાન અક્ષરાને દર્શકોએ ખૂબ પસંદ કરી હતી. આટલું જ નહીં આ શોમાંથી બહાર આવ્યા બાદ અક્ષરાનું જબરદસ્ત ટ્રાન્સફોર્મેશન જોવા મળ્યું હતું.
અભિનેત્રી હવે પહેલા કરતા વધુ ગ્લેમરસ અને હોટ બની ગઈ છે. જ્યાં પહેલા તે મોટાભાગે ટ્રેડિશનલ લુકમાં ફોટો શેર કરતી હતી, તે હવે બોલ્ડ આઉટફિટ્સમાં ફોટોઝ શેર કરે છે.
થોડા દિવસો પહેલા અક્ષરા સિંગર અને રૈપર બાદશાહના પાની-પાની સોંગના ભોજપુરી વર્ઝનમાં જોવા મળી હતી. આ ગીતમાં અક્ષરા સાથે ખેસારી લાલ યાદવ પણ હતા. આ ગીતને જબરદસ્ત પ્રતિસાદ મળ્યો.