Best CNG Car : નવા વર્ષે ઘરે લાવો CNGની આ સૌથી સસ્તી કાર, ફીચર્સ છે શાનદાર
વર્ષ 2024 પૂરું થવાનું છે. ત્યારે જો તમે પણ પેટ્રોલ અને ડીઝલના ભાવથી પરેશાન છો અને CNG કાર શોધી રહ્યા છો, તો આ સમાચાર તમારા માટે છે. અમે તમને 8 લાખ રૂપિયાથી ઓછી કિંમતમાં મળી રહેલી 3 કાર વિશે જણાવીશું, જે સારી માઈલેજ પણ આપે છે.
ટાટા પંચ એક કિલોગ્રામ CNGમાં 26.99 કિલોમીટરની માઈલેજ આપે છે. ટાટા પંચની એક્સ-શોરૂમ કિંમત 7.22 લાખ રૂપિયા છે. સુરક્ષાના દૃષ્ટિકોણથી પણ આ કાર ઉત્તમ છે. કારને રિવર્સિંગ કેમેરા, ISO ફિક્સ્ડ ચાઈલ્ડ સીટ માઉન્ટ્સ સાથે 5-સ્ટાર વૈશ્વિક NCAP સેફ્ટી રેટિંગ પ્રાપ્ત થયું છે.
Hyundai Aura કાર પણ ઓછા બજેટમાં એક સારો વિકલ્પ છે. આ કાર 3 CNG વેરિઅન્ટ સાથે માર્કેટમાં આવે છે. કારમાં 197 cc એન્જિન છે, જે 68 bhpનો પાવર અને 95.2 Nmનો ટોર્ક જનરેટ કરે છે. કંપનીના દાવા મુજબ આ કાર એક કિલો CNGમાં 22 કિલોમીટરની માઈલેજ આપે છે. આ CNG કારની શરૂઆતી કિંમત 7.48 લાખ રૂપિયા એક્સ-શોરૂમ છે.
Maruti Suzuki Celerio કાર પણ CNG સેગમેન્ટમાં એક શાનદાર કાર છે. જો આપણે તેના એન્જિન વિશે વાત કરીએ તો તેમાં 998 cc એન્જિન છે, જે 55.92 bhpનો પાવર અને 82.1 Nmનો ટોર્ક જનરેટ કરે છે. આ કારની શરૂઆતી કિંમત 6.73 લાખ રૂપિયા છે અને દાવા પ્રમાણે આ કાર 34.43 કિલોમીટરની માઈલેજ આપે છે.
