IPL 2024ની હરાજીમાં હિસ્સો લઈ રહેલા ગુજરાતના આ ખેલાડીઓની બેઝ પ્રાઈસ કેટલી છે? જાણો
IPL 2024 Auction: ગુજરાતના ત્રણ એસોસિયેશનમાંથી રમતા કેટલાક ખેલાડીઓ આઈપીએલ 2024 ની હરાજીમાં રજીસ્ટ્રેશન કરાવ્યુ છે. જેમાં 20 કરતા વધુ ખેલાડીઓના નામ શોર્ટલીસ્ટમાં સામેલ છે. આ ખેલાડીઓ પોતાનું નસીબ ચમકવાની આશાઓ સાથે હરાજીનો હિસ્સો બન્યા છે. હવે 19 ડિસેમ્બરે તેઓ આઈપીએલની ટીમોના હિસ્સો બને એ રાહ જોઈ રહ્યા છે. ગુજરાતના આ ખેલાડીઓએ ઘરેલું ક્રિકેટમાં દમદાર પ્રદર્શન કર્યુ છે.
ઈન્ડિયન પ્રીમિયર લીગે અનેક ભારતીય ખેલાડીઓના નસીબ ચમકાવી દીધા છે. આંતરરાષ્ટ્રીય ક્ષેત્રે અનેક ખેલાડીઓને પોતાની ક્ષમતા પહોંચાડવાની તક માટે મહત્વનો દ્વાર આઈપીએલ બન્યું છે. રિંકૂ સિંહ જેવા ખેલાડીઓ વર્તમાનમાં તેનું ઉદાહરણ છે. ગુજરાતના ત્રણ એસોસિયેશનમાંથી રમતા 23 જેટલા ખેલાડીઓ આઈપીએલ હરાજીના શોર્ટલીસ્ટમાં સામેલ છે.
જયદેવ ઉનડકટ અને ચેતન સાકરીયા સહિત અનુભવી યુવા ખેલાડીઓ પણ આ યાદીમાં સામેલ છે. તેઓની બેઝ પ્રાઈઝ સૌથી વધારે આ યાદીમાં ધરાવે છે.
જયદેવ ઉનડકટ 32 વર્ષનો છે અને તે લેફ્ટ આર્મ ફાસ્ટ મીડિયમ બોલર છે. તેની બેઝ પ્રાઈઝ 50 લાખ રુપિયા છે.જયદેવ આઈપીએલમાં કોલકાતા નાઈટ રાઈડર્સ, રોયલ ચેલેન્જર્સ બેંગ્લોર, ડીડી, આરપીએસ, રાજસ્થાન રોયલ્સ, મુંબઈ ઈન્ડિયન્સ અને લખનૌ સુપર જાયન્ટન્સનો હિસ્સો રહી ચૂક્યો છે. આઈપીએલ 2023 માં તે 3 મેચ રમ્યો હતો. આઈપીએલમાં તે 94 મેચ રમવાનો અનુભવ ધરાવે છે.
ચેતન સાકરીયા 26 વર્ષનો લેફ્ટ આર્મ મીડિયમ ફાસ્ટ બોલર છે. તેની બેઝ પ્રાઈઝ 50 લાખ રુપિયા છે. તે રાજસ્થાન રોયલ્સ અને દિલ્હી કેપિટલ્સનો હિસ્સો રહી ચૂક્યો છે. તે આઈપીએલમાં 19 મેચ રમીન ચૂક્યો છે. અંતિમ સિઝનમાં 2 મેચ તે રમ્યો હતો.
ગુજરાત, સૌરાષ્ટ્ર અને બરોડા ક્રિકેટ એસોસિયેશનના 23 ખેલાડીઓ હરાજીમાં હિસ્સો બન્યા છે. જેમાંથી જયદેવ અને ચેતન સાકરીયા સિવાયના તમામ 21 ખેલાડીઓ બેઝ પ્રાઈઝ 20 લાખ રુપિયા ધરાવે છે. જેમાં આકાશ સિંહ, લુકમાન મારીવાલ, હાર્વિક દેસાઈ, પ્રિયાંક પંચાલનો સમાવેશ થાય છે.
Published On - 4:49 pm, Wed, 13 December 23
