અંકિતા લોખંડેએ લગ્નમાં પહેર્યો હતો ગોલ્ડન કલરનો અનોખો લહેંગા, આ ફેમસ ડિઝાઈનથી એક્ટ્રેસને પ્રિન્સેસ જેવો લુક મળ્યો
ખુબસુરત એક્ટ્રેસ અંકિતા લોખંડે (Ankita Lokhande) આખરે તેના જીવનના પ્રેમ વિક્કી જૈન (Vicky Jain) સાથે લગ્નના બંધનમાં બંધાઈ ગઈ છે. આ સમયે દુલ્હન અંકિતાનો વેડિંગ લૂક છવાયેલો રહ્યો છે.
અંકિતા લોખંડેએ 14 ડિસેમ્બરે તેના લાંબા સમયના બોયફ્રેન્ડ વિક્કી જૈન સાથે લગ્ન કર્યા હતા. મુંબઈની એક હોટલમાં લગ્ન સમારોહ ત્રણ દિવસ સુધી ચાલ્યો હતો.
જે બાદ અંકિતાએ હિંદુ રીતિ-રિવાજ પ્રમાણે લગ્ન કર્યા હતા. લગ્ન માટે તેણીએ પરંપરાગત લાલ લહેંગા છોડીને તેના ખાસ દિવસ માટે ગોલ્ડન રંગનો વેડિંગ ડ્રેસ પસંદ કર્યો હતો. એક્ટ્રેસનો આ લહેંગા હેવી વર્કનો હતો. જેના પર બધાની નજર ટકેલી છે.
પરી જેવા ગોલ્ડન ડ્રેસમાં અંકિતા ખૂબ જ સુંદર લાગી રહી હતી. અંકિતા લોખંડેએ ખાસ પ્રકારના લહેંગા સાથે ઘણી હેવી જ્વેલરી કેરી કરી હતી. સૌથી મહત્વની વાત એ હતી કે અભિનેત્રીએ તેના લેહેંગા જેવી જ બંગડીઓ અને કલરના કલર ટ્રાય કર્યા છે.
હાલમાં,અંકિતા લોખંડેના લગ્નના ફોટા દરેક જગ્યાએ છે. દરેક વ્યક્તિ અભિનેત્રીના અનોખા લહેંગા વિશે વાત કરી રહી છે. બધાથી અલગ થવા માટે અંકિતાએ લગ્નમાં સિક્વન્સ્ડ ગોલ્ડન લહેંગા પસંદ કર્યો હતો.
તમને જણાવી દઈએ કે અંકિતાના આ લહેંગાને બોલિવૂડના પ્રખ્યાત ફેશન ડિઝાઈનર મનીષ મલ્હોત્રાએ ડિઝાઈન કર્યો છે. આ લહેંગાની કિંમત લાખોમાં આંકવામાં આવી રહી છે.
અંકિતાએ લગ્ન માટે મેચિંગ ઇયરિંગ્સ સાથે બે કુંદન સ્ટોન નેકલેસ પહેર્યા હતા. જો તમે પણ લગ્નમાં અલગ લહેંગા પહેરવા માંગો છો, તો તમે અંકિતાની સ્ટાઈલને કોપી કરી શકો છો.
જો તમે પણ અંકિતાની જેમ લહેંગા પહેરવાનું વિચારી રહ્યા છો, તો તમારે એક્ટ્રેસની સ્ટાઇલને ફોલો કરવી પડશે.