Photos : આલિયા ભટ્ટની BFF મેઘના ગોયલે પોતાના લગ્નમાં પહેરી રફલ સાડી, તમે પણ અપનાવી શકો છો આ લુક
લગ્ન પહેલા મેઘના ગોયલની હલ્દી સેરેમનીનું આયોજન કરવામાં આવ્યું હતું. આની કેટલીક તસવીરો સામે આવી છે, જેમાં મેઘના યલો કલરના સ્ટ્રેપી કુર્તામાં ખૂબ જ ક્યૂટ લાગી રહી હતી.
હાલમાં લગ્નની સિઝન ચાલી રહી છે અને નવવધૂઓ પણ નવા અંદાજમાં જોવા મળી રહી છે. બોલિવૂડ એક્ટ્રેસ આલિયા ભટ્ટની મિત્ર મેઘના ગોયલે તાજેતરમાં જ લગ્ન કર્યા છે. મેઘનાએ તેના બ્રાઈડલ લુક સાથે એક નવો ટ્રેન્ડ સેટ કર્યો છે.
તમને જણાવી દઈએ કે મેઘના ગોયલ વ્યવસાયે એક બિઝનેસવુમન છે અને તેની ક્લોથિંગ બ્રાન્ડ 'સમર સમવેર'ની માલિક છે. મેઘના અને આલિયા ખૂબ જ નજીક છે. મેઘનાએ 21 ડિસેમ્બર 2021ના રોજ ગોવામાં એક ખાનગી સમારોહમાં લગ્ન કર્યા.
મેઘના ગોયલના વેડિંગ લુકએ બધાનું ધ્યાન તેની તરફ ખેચ્યુ છે. મેઘના ગોયલે તેના વેડિંગ લૂકથી આવનારી પેઢીઓની ઘણી દુલ્હનોને પ્રેરણા આપી છે. પરંપરાગત શૈલીને આધુનિક ટચ આપવા માટે તેણે અદભૂત બ્રાઇડલ લુક કેરી કર્યો.
તમને જણાવી દઈએ કે મેઘનાએ લાલ રંગની રફલ સાડી પહેરી હતી જેમાં સફેદ ફ્લોરલ ડિઝાઈન છપાયેલી હતી, જેમાં સ્ટ્રેપી હેવીલી એમ્બ્રોઈડરીવાળા બ્લાઉઝની જોડી હતી.
મેઘનાના લગ્નની આ સાડી ડિઝાઇનર અર્પિતા મહેતાના લેટેસ્ટ કલેક્શનમાંથી છે. તેણે સ્ટેટમેન્ટ જ્વેલરી સાથે પોતાનો બ્રાઈડલ લુક પૂરો કર્યો. તેણે મેકઅપની સાથે તેના વાળ ખુલ્લા રાખ્યા હતા. તેણે પોતાના લુક સાથે એક નવો બ્રાઈડલ ટ્રેન્ડ સેટ કર્યો છે.
લગ્નમાં મેઘનાની સ્ટાઈલ એકદમ સિમ્પલ અને ખાસ હતી. આવી સ્થિતિમાં તમે ઇચ્છો તો મેઘના પાસેથી વેડિંગ લુક ટિપ્સ પણ લઇ શકો છો.