આલ્કોહોલ લેતી મહિલાઓની સંખ્યા બમણી, પુરુષોની સંખ્યામાં ઘટાડો, વાંચો NFHSનો રિપોર્ટ
રિપોર્ટમાં આશ્ચર્યજનક બાબત એ છે કે ગ્રામીણ મહિલાઓમાં દારૂનું સેવન 2.6 ટકાથી વધીને 4.9 ટકા થયું છે, જ્યારે પુરુષોના કિસ્સામાં તે 41.3 ટકાથી ઘટીને 30.2 ટકા થયું છે.
રિપોર્ટમાં નવાઈની વાત એ છે કે ગ્રામીણ મહિલાઓમાં આલ્કોહોલનું સેવન 2.6 ટકાથી વધીને 4.9 ટકા થયું છે, જ્યારે પુરુષોના કિસ્સામાં તે 41.3 ટકાથી ઘટીને 30.2 ટકા થયું છે. રિપોર્ટમાં નોંધવા જેવી બીજી એક વાત એ છે કે છેલ્લા પાંચ વર્ષમાં શહેરી મહિલાઓના પીવામાં કોઈ ખાસ ફેરફાર થયો નથી. આ આંકડો 1.3 ટકાથી વધીને 1.4 ટકા થયો છે.
માત્ર આલ્કોહોલ જ નહીં પરંતુ તમાકુના સેવનમાં પણ પુરૂષોની સરખામણીએ મહિલાઓમાં નોંધપાત્ર વધારો થયો છે. વર્ષ 2015-16 દરમિયાન માત્ર 17.3 ટકા મહિલાઓને તમાકુનું સેવન કરવાની આદત હતી, જ્યારે તાજેતરના સર્વે અનુસાર આ આંકડો 26 ટકા સુધી પહોંચી ગયો છે.
શહેરોમાં 16.6 ટકા મહિલાઓ તમાકુનો ઉપયોગ કરે છે જ્યારે ગામડાઓમાં 26 ટકા મહિલાઓ. તમાકુનું સેવન કરનારા પુરુષોની સંખ્યા 55.9 ટકાથી ઘટીને 51.6 ટકા થઈ છે. ગ્રામીણ વિસ્તારોમાં આ આંકડો 58.8 ટકાથી ઘટીને 54.1 ટકા અને શહેરી વિસ્તારોમાં 45.3 ટકાથી ઘટીને 40.5 ટકા થયો છે.
