Ahmedabad: અંધજનો માટે 10મી ગુજરાત રાજ્ય પસંદગી ચેસ ટુર્નામેન્ટનું આયોજન કરાયું, જુઓ Photos
વિઝ્યુઅલી ચેલેન્જ માટે 10મી રાજ્ય પસંદગી ચેસ ટુર્નામેન્ટનું આયોજન કરવામાં આવ્યું હતું. અંધ લોકોના સંગઠનમાં AICFB ની વય હેઠળના દૃષ્ટિહીન લોકો માટે આ એસોસિએશન કાર્યરત છે.
આ ટુર્નામેન્ટમાં કુલ 86 ખેલાડીઓએ ભાગ લીધો હતો, અને તેમાં કુલ 15 ખેલાડીઓમાં 5 મહિલા ખેલાડીઓ અને પસંદગી ચક્રના આગલા સ્તર માટે 10 જુનિયર ખેલાડીઓની પસંદગી કરાઇ હતી.
આ ખેલાડીઓ ગોવા ખાતે યોજાનારી અંધજનો માટેની પશ્ચિમ ઝોનની ચેસ ટુર્નામેન્ટમાં રમશે. આ ટુર્નામેન્ટ સાત રાઉન્ડની સ્વીઝ લીગની હતી. રોમાંચક ચેસના સાત રાઉન્ડ પછી, 16 વર્ષીય રાહુલ વાઘેલા 7 માંથી 6.5 સ્કોર કરીને ગુજરાત ચેસ ચેમ્પિયન બન્યો.
અન્ય યુવા ખેલાડી, વલસાડના અક્ષય પાડવી બીજા ક્રમે, જ્યારે રાજકોટના વિજય કારિયા ત્રીજા સ્થાને રહ્યો. ટોચના બેઠેલા સુજીત ચુડાસમાને ચોથા સ્થાને સંતોષ માનવો પડ્યો હતો અને ચિરંતન મેસરિયાને પાંચમુ સ્થાન મળ્યું હતું. આ તમામ વિજેતાઓને રોકડ પુરસ્કાર આપવામાં આવ્યા હતા.
AICFના ભાવેશ પટેલ મુખ્ય મહેમાન રહ્યા હતા. જ્યારે કેડિલાના કૌશિક દાસ તથા ફાર્માસ્યુટિકલ્સ અને ઇન્ટાસ ફાર્માસ્યુટિકલ્સના આશા દાસ પણ ખેલાડીઓને પ્રોત્સાહિત કરવા માટે હાજર રહ્યા હતા.
બ્લાઇન્ડ પીપલ એસોસિએશનના સેક્રેટરી ડો. ભૂષણ પુનાનીએ ખેલાડીઓને આશીર્વાદ આપ્યા હતા અને અંધ ચેસના ઉત્થાન માટે સમર્થનની ખાતરી આપી હતી.
Published On - 11:47 pm, Mon, 22 May 23