બીજા લગ્ન બાદ 41 વર્ષીય અભિનેત્રી જેનિફરે શેર કર્યા હલ્દીના ફોટો, સ્ટાઈલિસ લુકમાં સુંદર લાગી એક્ટ્રેસ
Jennier Winget Haldi: જેનિફરે સોશિયલ મીડિયા પર એક ભાવનાત્મક પોસ્ટ શેર કરી, જેમાં તેના નજીકના મિત્રો સાથે વિતાવેલા યાદગાર પળોની ઝલક રજૂ કરવામાં આવી છે.
Jennier Winget Haldi: ટીવી અભિનેત્રી જેનિફર 16 જુલાઈ, 2026 ના રોજ યુનાઇટેડ કિંગડમમાં સિંગાપોર સ્થિત ઉદ્યોગપતિ વિલિયમ ઇસ્માઇલ સાથે લગ્ન કર્યા હતા. લગ્નમાં ફક્ત પરિવારના સભ્યો અને નજીકના મિત્રો જ હાજર રહ્યા હતા. હવે, થોડા દિવસો પછી, તેણીએ તેના હલ્દી સમારંભના અનસીન ફોટા શેર કર્યા છે.
જેનિફરે સોશિયલ મીડિયા પર એક ભાવનાત્મક પોસ્ટ શેર કરી, જેમાં તેના નજીકના મિત્રો સાથે વિતાવેલા યાદગાર પળોની ઝલક રજૂ કરવામાં આવી. ફોટામાં, કરણ વાહી, હરલીન સેઠી અને અન્ય લોકો હલ્દી સમારંભનો આનંદ માણતા જોવા મળે છે.
જેનિફર વિંગેટના આ નવા ફોટામાં, મોજ મજા, નૃત્ય અને કૌટુંબિક બંધનથી ભરેલું દેખાય છે. દરેક ફોટામાં લગ્નનો આનંદ સ્પષ્ટપણે દેખાય છે. ફોટાની સાથે, જેનિફરે કેપ્શનમાં તેના મિત્રો માટે એક લાંબી નોંટ શેર કરી છે.
તેના હલ્દી લુક માટે, જેનિફરે કાળા મખમલ બ્લાઉઝ સાથે ઓલિવ ગ્રીન અને ગોલ્ડ લહેંગો પહેર્યો હતો. તેણીએ લીલા રંગના ચોકર, કાનમાં બુટ્ટી, માંગ ટિકો અને કાળા સનગ્લાસ સાથે તેના લુકમાં સ્ટાઇલિશ ટ્વિસ્ટ ઉમેર્યો. પરંપરાગત અને આધુનિક શૈલીઓનું તેણીનું મિશ્રણ ચાહકોનું ધ્યાન ખેંચી રહ્યું છે.
ફોટામાં, જેનિફર ઢોલના તાલ પર નાચતી અને મિત્રો અને પરિવાર સાથે મજા માણતી જોવા મળે છે. હળદી સમારંભમાં પીળા રંગની થીમ હતી, જેમાં મોટાભાગના મહેમાનો પીળા પોશાક પહેરીને આવ્યા હતા. વાતાવરણ નૃત્ય, સંગીત અને ઉજવણીથી જીવંત હતું.
એક ફોટામાં જેનિફર તેની માતાને ગળે લગાવતી દેખાય છે, જ્યારે બીજી ફોટામાં તેણી નજીકના મિત્રો સાથે હસતી અને નાચતી દેખાય છે. જ્યારે અન્યમાં તેણી સનગ્લાસ પહેરીને કેમેરા સામે તેના આકર્ષક સ્ટાઇલિશ પોઝ આપે છે.
