23 વર્ષ લિવ-ઈનમાં રહ્યા બાદ ‘ક્યુંકી સાસ ભી કભી..’ની એકટ્રેસે કર્યા લગ્ન, સામે આવી તસવીરો
લાંબા સમયથી તેમના લિવ-ઈન સંબંધ માટે જાણીતા આ દંપતીએ કોઈ પણ ધામધૂમ વિના એક નાના સમારંભમાં તેમના લગ્ન કરવાનો નિર્ણય કર્યો હતો. હવે સોશિયલ મીડિયામાં તેમના લગ્નના ફોટા સામે આવ્યા છે.
ફોટા શેર કર્યા પછી તરત જ, ઘણી સેલિબ્રિટીઓ અને તેમના ટીવી ઉદ્યોગના સાથીદારોએ અભિનંદન પાઠવ્યા છે. કિશ્વર મર્ચન્ટે લખ્યું, "ઓહ, આ અદ્ભુત છે... અભિનંદન મિત્રો." એબીગેઇલ પાંડેએ ટિપ્પણી કરી, "પ્રેમ, પ્રેમ, અને ફક્ત તમારા બંનેને પ્રેમ. અભિનંદન." પુલકિત સમ્રાટ, દિશા પરમાર, શ્રીતિ ઝા, નકુલ મહેતા, નિધિ શાહ, પૂજા બેનર્જી, ચામ દરંગ, સુપ્રિયા શુક્લા, માહી વિજ, સુધાંશુ પાંડે, મુસ્કાન બામને અને અન્ય સેલિબ્રિટીઝે પણ નવદંપતીને અભિનંદન આપ્યા છે.
એપ્રિલ 2024 માં એક ઇન્ટરવ્યુ દરમિયાન, તેઓએ ખુલાસો કર્યો કે તેઓ કેવી રીતે સંબંધમાં આવ્યા. સંદીપે કહ્યું હતું કે, "તેનું ઘર 'ક્યુંકી સાસ ભી કભી બહુ થી' ના સેટથી ઘણું દૂર હોવાથી, તે અઠવાડિયામાં થોડી રાતો મારા ઘરે વિતાવતી હતી, અને તે થોડી રાતો મહિનાઓમાં ફેરવાઈ ગઈ, અને પછી અમને ખ્યાલ આવ્યો કે અમે એકબીજાથી ખુશ છીએ."
તેણે આગળ ઉમેર્યું, "થોડા મહિનાઓ સાથે રહ્યા પછી, હું ડરી ગયો અને અલગ થવા માંગતો હતો, પરંતુ આશ્લેષાએ મને કહ્યું કે જો બધું કામ ન કરે તો આપણા પાસે હંમેશા અલગ થવાનો વિકલ્પ રહેશે. ધીમે ધીમે, અમારો સંબંધ મજબૂત થતો ગયો, અને અલગ થવાનો વિચાર ક્યારેય અમારા મનમાં આવ્યો નહીં."
