100 રૂપિયાની નોટ…હરાજીમાં 56 લાખમાં વેચાઈ, જાણો એવું તો શું છે આ નોટમાં ખાસ
લંડનમાં એક અનોખી હરાજી થઈ. જેમાં ભારતીય 100 રૂપિયાની નોટનું 56,49,650 રૂપિયામાં વેચાઈ હતી. આ નોટ 1950ના દાયકામાં ભારતીય રિઝર્વ બેંક (RBI) દ્વારા બહાર પાડવામાં આવી હતી. ત્યારે આ લેખમાં જાણીશું કે, આ નોટમાં એવું તે શું ખાસ હતું કે તે આટલી ઉંચી કિંમતે વેચાઈ.
લંડનમાં એક અનોખી હરાજી થઈ. જેમાં ભારતીય 100 રૂપિયાની નોટનું 56,49,650 રૂપિયામાં વેચાઈ હતી. આ નોટ 1950ના દાયકામાં ભારતીય રિઝર્વ બેંક (RBI) દ્વારા બહાર પાડવામાં આવી હતી.
આ નોટનો સીરીયલ નંબર HA 078400 હતો. આ કોઈ સામાન્ય નોટ નહોતી. આ 'હજ નોટ' તરીકે ઓળખાતી ખાસ કેટેગરીનો ભાગ હતી. આ નોટ 20મી સદીના મધ્યમાં RBI દ્વારા ખાસ કરીને હજ યાત્રા માટે ખાડી દેશોમાં જતા ભારતીય યાત્રાળુઓ માટે બહાર પાડવામાં આવી હતી.
આ નોટોમાં નંબર પહેલા એક અનોખો ઉપસર્ગ 'HA' હતો, જેના કારણે તે સરળતાથી ઓળખી શકાય છે. આ નોટોનો રંગ ભારતીય ચલણી નોટોથી અલગ હતો. જો કે, તે કેટલાક ગલ્ફ દેશોમાં માન્ય હતી જ્યાં ભારતીય રૂપિયો સ્વીકારવામાં આવતો હતો. જેમ કે સંયુક્ત આરબ અમીરાત, કતાર, બહેરીન, કુવૈત અને ઓમાન.
કુવૈતે 1961માં પોતાનું ચલણ લોન્ચ કર્યું, ત્યારબાદ અન્ય ગલ્ફ દેશોએ પણ પોતાનું ચલણ રજૂ કર્યું. આ પહેલા કુવૈતમાં ફક્ત ભારતીય ચલણનો ઉપયોગ થતો હતો. પરિણામ એ આવ્યું કે 1970ના દાયકામાં હજ નોટ્સ આપવાનું બંધ કરી દેવામાં આવ્યું.
આજે આ નોટો દુર્લભ માનવામાં આવે છે અને ચલણ સંગ્રહકોમાં ખૂબ મૂલ્યવાન છે, તેની કિંમત સ્થિતિ અને દુર્લભતા જેવા પરિબળો પર આધારિત છે.