TV9 GUJARATI | Edited By: Bhavyata Gadkari
Sep 08, 2021 | 2:09 PM
આજકાલ ઇન્ટરનેટ પર એક સમાચાર ચર્ચામાં છે જેમાં કહેવામાં આવી રહ્યુ છે કે ન્યૂઝીલેન્ડમાં એક દેશી ખાટલાને 40 હજાર રૂપિયામાં વેચવામાં આવી રહ્યો છે. આ બાદ લોકોનું કહેવું છે કે વિદેશમાં દેશી સામાન ખરીદવામાં આવી રહ્યો છે. પરંતુ વિદેશમાં જ નહીં પરંતુ ભારતમાં પણ આવા દેશી પ્રોડ્ક્ટ્સની ડિમાન્ડ વધી રહી છે. લોકો હવે આ આઇટમ્સ પર પૈસા ખર્ચી રહ્યા છે. તેવામાં ચાલો જાણીએ કે કઇ કઇ વસ્તુને ઓનલાઇન ખરીદવામાં આવી રહી છે જેની ગ્રામીણ વિસ્તારમાં કોઇ વેલ્યૂ નથી.
ન્યૂઝીલેન્ડની એક વેબસાઇટ પર દેશી ખાટલો 40 હજાર રૂપિયામાં વેચાઇ રહ્યો છે.
તમે ગામડાઓ અથવા તો નાના શહેરોમાં જોયુ હશે કે તાપણી કર્યા બાદ રાખને કચરામાં ફેંકી દેવામાં આવે છે. હવે આ રાખ ઓનલાઇન પ્લેટફોર્મ્સ પર મળી રહી છે અને તેની કિંમત પણ ચોંકાવનારી છે. ઓનલાઇન મળતી આ રાખની કિંમત 10, 20 રૂપિયા નહીં પરંતુ 500 રૂપિયા છે.
છાણના ઉપલા પણ હવે ઓનલાઇન મળી રહ્યા છે. આવા ઉપલા ઓનલાઇન 150 રૂપિયામાં વેચાઇ રહ્યા છે.
ભૂસુ પણ આજકાલ ઓનલાઇન મંગાવવામાં આવી રહ્યુ છે. આનું એક પેકેટ 350 રૂપિયામાં વેચાઇ રહ્યુ છે. આ ભૂસુ લોકો તેમના પ્રાણીઓ માટે મંગાવી રહ્યા છે.
ઓનલાઇન પ્લેટફોર્મ્સ પર મુલતાની માટીની સાથે સાથે કાળી માટી પણ વેચાઇ રહી છે અને ખાસ વાત તો એ છે કે લોકો તેને ખરીદી પણ રહ્યા છે. 500 ગ્રામ માટીની કિંમત 100 રૂપિયા છે.
હવે તો ગૌમૂત્ર પણ ઓનલાઇન વેચાઇ રહ્યુ છે. 500 એમએલ ગૌમૂત્રની કિંમત 260 રૂપિયા છે.