પશ્ચિમ બંગાળમાં ચૂંટણીનું ચોથા તબક્કાનું મતદાન હિંસાની સાથે 6.30 વાગ્યે સમાપ્ત થયું. સવારે 7 વાગ્યે મતદાન શરૂ થયું હતું. સવારથી જ કૂચબિહાર જિલ્લાના શીલતકુચી ચર્ચામાં રહ્યું. પ્રથમ મતદાન માટે લાઈનમાં ઉભા રહેલા 18 વર્ષના એક યૂવક આનંદ બર્મનનું ગોળી વાગવાના કારણે મોત થયાના સમાચાર સામે આવ્યા હતા. ત્યારબાદ CISF અધિકારીઓની ગોળીથી 4 ગ્રામજનોના મોત થયા. તેને લઈ દિવસભર બંગાળનું રાજકારણ ગરમાયેલું રહ્યુ. ચૂંટણી પંચ શીતલકૂચીના માથાભંગા બ્લોક 1ના બૂથ નંબર 126 પર મતદાન સ્થગિત કરી દીધું અને ડીએમ અને એસપી પાસેથી રિપોર્ટ મંગાવ્યો છે.
તેની વચ્ચે સાંજે 5 વાગ્યા સુધી કુલ 76.16 ટકા મતદાન થયું છે. કૂચબિહારમાં 79.73 ટકા, અલીપુરદ્વારમાં 73.65 ટકા, હાવડામાં 75.03 ટકા, દક્ષિણ 24 પરગના જિલ્લામાં 75.49 ટકા અને હુગલીમાં 76.02 ટકા મતદાન થયું છે. આ મતદાનમાં વિભિન્ન રાજકીય પાર્ટીઓના 373 ઉમેદવારોનું ભાવિ ઈવીએમમાં બંધ થયું છે. ચોથા તબક્કામાં મતદાનની સુરક્ષા માટે ચૂંટણી પંચે 793 કંપની કેન્દ્રીય દળોની તૈનાતી કરી હતી. કુલ 15,940 મતદાન કેન્દ્રો પર સવારે 7 વાગ્યાથી સાંજે 6.30 વાગ્યા સુધી મતદાન થયું છે. ત્યારે 2 મેના રોજ ચૂંટણીનું પરિણામ જાહેર કરવામાં આવશે.
સવારથી ચર્ચામાં રહ્યું શીતલકુચી
વડાપ્રધાન મોદીએ મુખ્યપ્રધાન મમતા બેનર્જીના ભડકાઉ નિવેદન માટે દોષી ગણાવ્યા. ત્યારે મમતા બેનર્જીએ તેની જવાબદારી કેન્દ્રીય ગૃહપ્રધાન અમિત શાહ પર લગાવી દીધી પણ આજના મતદાનથી બંગાળની ચૂંટણીમાં હિંસા ચાલુ રહી. સવારે મતદાનની શરૂઆત હિંસાની સાથે થઈ. ઉત્તર બંગાળના બે જિલ્લા અલીપુરદ્વાર અને કૂચબિહાર તથા દક્ષિણ બંગાળના હાવડા, હુગલી અને દક્ષિણ 24 પરગનાની 44 સીટો પર મતદાનને લઈ દિવસભર હિંસાના સમાચાર સામે આવ્યા. ભાજપના ઉમેદવાર પાયલ સરકારની ગાડીમાં તોડફોડ કરવામાં આવી.
છૂટાછવાયા હિંસક બનાવો બન્યા
ચૂંચડામાં ભાજપના ઉમેદવાર લોકેટ ચટર્જી પર હુમલો કરવામાં આવ્યો તો દિનહાટામાં ટીએમસીના ઉમેદવાર ઉદયન ગુહા પર હુમલો થયો. કોલકત્તામાં કસબા અને બેહલા પૂર્વમાં પણ હિંસક ઘટનાઓ બની. દક્ષિણ 24 પરગનાના ભાંગડમાં પણ સતા પર રહેલી પાર્ટી તૃણમૃલ કોંગ્રેસની ઓફિસમાં હુમલાનો આરોપ ISFના કાર્યકર્તાઓ પર લાગ્યો છે. પાટુલીમાં માકપા પોલિંગ એજન્ટ સાથે મારપીટ કરવામાં આવી.
આ પણ વાંચો: Gujarat Corona Update : રાજ્યમાં કોરોનાનો મહાવિસ્ફોટ, પહેલીવાર 5 હજારથી વધુ નવા કેસ, 49 લોકોના મૃત્યુ