Vaccination: લક્ષ્ય તરફ ઝડપથી આગળ વધી રહયું રસીકરણ અભિયાન, દેશમાં અત્યાર સુધી 93.90 કરોડથી વધુ લોકો એ લગાવી વેક્સિન

Vaccination: કેન્દ્રીય આરોગ્ય મંત્રાલયે (The Union Health Ministry) કહ્યું કે શુક્રવારે દેશમાં 93.90 કરોડથી વધુ લોકોને કોવિડ -19 રસીનો ડોઝ (Covid-19 Vaccine) આપવામાં આવ્યા છે. મંત્રાલયે કહ્યું કે શુક્રવારે આપવામાં આવેલા ડોઝની સંખ્યા સાંજે 7 વાગ્યા સુધી 71,75,744 હતી.

મંત્રાલયે આ વાત પર ભાર મૂક્યો હતો કે કોવિડ-19થી દેશમાં સૌથી વધુ નબળી જનસંખ્યા સામૂહોની રક્ષા માટે એક ઉપકરણના રૂપમાં રસીકરણ અભ્યાસનો નિયમિત રૂપથી સમીક્ષા અને દેખરેખ કરવામાં આવે છે. 16 જાન્યુઆરીએ પ્રથમ તબક્કાની રસીકરણ આરોગ્ય કર્મચારીઓ (HCWs) સાથે રાષ્ટ્રવ્યાપી રસીકરણ અભિયાન શરૂ કરવામાં આવ્યું હતું. ફ્રન્ટલાઈન વર્કર્સ (FLWs) નું રસીકરણ 2 ફેબ્રુઆરીથી શરૂ થયું હતું.

તે જ સમયે, કોવિડ -19 રસીકરણનો આગલો તબક્કો 1 માર્ચથી 60 વર્ષથી વધુ ઉંમરના અને 45 વર્ષથી વધુ ઉંમરના લોકો માટે શરૂ થયો હતો. દેશે 1 એપ્રિલથી 45 વર્ષથી વધુ ઉંમરના તમામ લોકો માટે રસીકરણ શરૂ કર્યું. ત્યારબાદ સરકારે 1 મેથી 18 વર્ષથી વધુ ઉંમરના તમામ લોકોને રસી આપવાની મંજૂરી આપીને તેના રસીકરણ અભિયાનને વિસ્તૃત કરવાનું નક્કી કર્યું છે, દેશમાં કોરોના વાયરસ સામે ઝડપી રસીકરણ અભિયાન ચાલી રહ્યું છે.

તમામ નાગરિકોને રસીના બંને ડોઝ આપવાનો પ્રયાસ
સરકારનો પ્રયાસ તમામ નાગરિકોને વહેલી તકે રસીના બંને ડોઝ પૂરા પાડવાનો છે, તેથી દૈનિક લક્ષ્ય વધારવામાં આવી રહ્યું છે. જે અંતર્ગત સીરમ ઇન્સ્ટિટ્યૂટ ઓફ ઈન્ડિયાના કોવાશીલ્ડ (Covishield) અને ભારત બાયોટેકનાં કોવેક્સિનના 27-28 કરોડ ડોઝ એકલા ઓક્ટોબરમાં દાખલ કરવાનો લક્ષ્યાંક નક્કી કરવામાં આવ્યો છે. આવી સ્થિતિમાં, આ લક્ષ્ય 90 લાખથી 1 કરોડ ડોઝ દૈનિક આપીને પૂર્ણ કરી શકાય છે.

એક મીડિયા રિપોર્ટમાં સૂત્રોને ટાંકીને કહ્યું કે 27-28 કરોડ કોવિડ -19 રસીઓ જે ખરીદવાની છે તેમાં બાયોલોજિકલ ઈ અને ઝાયડસ કેડિલા રસીનો ડોઝ શામેલ નથી. અગાઉ સપ્ટેમ્બરમાં 25 કરોડથી વધુ રસીના ડોઝ ખરીદવામાં આવ્યા હતા. સૂત્રોએ વધુમાં જણાવ્યું હતું કે, કેન્દ્ર ઓક્ટોબરના મધ્યમાં 100 કરોડ ડોઝનો લક્ષ્યાંક પૂરો કરવાની યોજના ધરાવે છે.

એવી અપેક્ષા છે કે આ 10 થી 12 ઓક્ટોબર વચ્ચે પૂર્ણ થશે. આ સાથે જ સરકાર 100 કરોડ ડોઝ સુધી પહોંચતાની સાથે જ દેશભરમાં કોવિડ યોદ્ધાઓ, ફ્રન્ટલાઈન વર્કર્સ અને હેલ્થકેર વર્કર્સ સાથે ઉજવણી કરવાની પણ યોજના બનાવી રહી છે.

આ પણ વાંચો: JIMEX: સમુદ્રી યુદ્ધ અભ્યાસમાં ભારત-જાપાનની નૌસેનાએ અરબ સાગરમાં દેખાડ્યો દમ, રક્ષા મંત્રાલયે આપી જાણકારી

આ પણ વાંચો: અમદાવાદના એસ. જી. હાઇવે પરના બેન્કવેટ હોલમાં ગરબાના આયોજન પર પોલીસનું રેડ, ફરિયાદ દાખલ કરાઇ