22 જાન્યુઆરીએ દેશમાં ઉજવાશે ફરી દિવાળી, પ્રાણપ્રતિષ્ઠાના દિવસે આ રાજ્યોએ જાહેર રજાની કરી જાહેરાત
22 જાન્યુઆરીએ ઉત્તર પ્રદેશના અયોધ્યામાં રામલલ્લાનો પ્રાણપ્રતિષ્ઠા સમારોહનું આયોજન થવા જઈ રહ્યું છે. દેશભરના લોકો આ ખાસ દિવસની આતુરતાથી રાહ જોઈ રહ્યા છે. ભારતમાં જ નહીં વિદેશમાં પણ લોકો ખૂબ જ ઉત્સાહિત છે. વર્ષોથી આ દિવસની રાહ જોઈ રહેલા હિન્દુ ધર્મના લોકો તેને પોતાની રીતે ખાસ બનાવવા માંગે છે. આ માટે કેટલાક રાજ્યો એ તો જાહેર રજા પણ રાખી છે.
22 જાન્યુઆરીએ ઉત્તર પ્રદેશના અયોધ્યામાં રામલલ્લાના પ્રાણપ્રતિષ્ઠા સમારોહનું આયોજન થવા જઈ રહ્યું છે. દેશભરના લોકો આ ખાસ દિવસની આતુરતાથી રાહ જોઈ રહ્યા છે. ભારતમાં જ નહીં વિદેશમાં પણ લોકો ખૂબ જ ઉત્સાહિત છે. વર્ષોથી આ દિવસની રાહ જોઈ રહેલા હિન્દુ ધર્મના લોકો તેને પોતાની રીતે ખાસ બનાવવા માંગે છે. આ દિવસોમાં અયોધ્યામાં 22મી જાન્યુઆરીની તૈયારીઓ જોરશોરથી ચાલી રહી છે. રસ્તાઓથી લઈને એરપોર્ટ અને રેલવે સ્ટેશન સુધી દરેક જગ્યાને સુંદર રીતે સજાવવામાં આવી રહી છે. રસ્તાઓની સફાઈ કરવામાં આવી રહી છે અને ત્યાં વૃક્ષો વાવવામાં આવી રહ્યા છે. ઘણા રાજ્યો આ ઐતિહાસિક દિવસે જાહેર રજાઓ પણ જાહેર કરી રહ્યા છે.
ઉત્તર પ્રદેશના મુખ્યમંત્રી યોગી આદિત્યનાથે પ્રાણ પ્રતિષ્ઠા સમારોહ નિમિત્તે સમગ્ર રાજ્યમાં જાહેર રજા જાહેર કરી છે. ઉત્તર પ્રદેશમાં 22 જાન્યુઆરીએ તમામ શૈક્ષણિક સંસ્થાઓ અને સરકારી કચેરીઓ અને દુકાનો બંધ રાખવાનો નિર્ણય લેવામાં આવ્યો છે. આ માટે સરકારે આદેશ પણ જાહેર કર્યો છે. આ સાથે રાજ્યમાં લીકર શોપ બંધ રાખવાની સૂચના પણ આપવામાં આવી છે. આ સિવાય રાજધાની લખનૌમાં 22 જાન્યુઆરીએ માંસની દુકાનો બંધ રાખવાનો આદેશ જાહેર કરવામાં આવ્યો છે.
યુપીમાં 22 જાન્યુઆરીએ દિવાળી મનાવવામાં આવશે
મુખ્યમંત્રી યોગી આદિત્યનાથે પણ ઉત્તર પ્રદેશમાં 22 જાન્યુઆરીએ સાંજથી ઘરો, ઘાટ અને મંદિરોમાં દીવા પ્રગટાવવા માટે કહ્યું છે. આ સાથે તેમણે રાજ્યની તમામ ઓફિસો, શાળાઓ, કોલેજોને સજાવટ કરવાનો આદેશ પણ આપ્યો છે. રાજ્યમાં 22મી જાન્યુઆરીએ દિવાળી જેવા તહેવારની ઉજવણી કરવા જણાવાયું છે. રાજ્યના લોકો પણ આ દિવસને લઈને ખૂબ જ ઉત્સાહિત છે.
ગોવામાં પણ પ્રાણ પ્રતિષ્ઠા ઉજવાશે
ઉત્તર પ્રદેશની જેમ ગોવામાં પણ 22 જાન્યુઆરીએ જાહેર રજા જાહેર કરવામાં આવી છે. દેશના સુંદર રાજ્યોમાંના એક એવા ગોવામાં પણ 22મી જાન્યુઆરીએ સેલિબ્રેશન યોજાશે. રાજ્યના મુખ્યમંત્રી પ્રમોદ સાવંતનું કહેવું છે કે રામ લલ્લાના પ્રાણ પ્રતિષ્ઠાને લઈને સમગ્ર દેશમાં ઉત્સાહ છે. આવી સ્થિતિમાં, ગોવામાં પણ તમામ શાળાઓ અને સરકારી કચેરીઓ બંધ રહેશે. તેમણે કહ્યું કે આ ખાસ દિવસ દિવાળીની જેમ આનંદ અને ઉત્સાહથી ઉજવવો જોઈએ. મુખ્યપ્રધાન પ્રમોદ સાવંત પોતે 22 જાન્યુઆરીએ અયોધ્યામાં અભિષેકમાં ભાગ લેવા જશે.
22 જાન્યુઆરીએ દિવાળી ઉજવવા વડાપ્રધાનની અપીલ
આ સિવાય રાજસ્થાનમાં ગ્રેટર મ્યુનિસિપલ કોર્પોરેશનમાં 22મી જાન્યુઆરીએ રજા રહેશે. એવા પણ સમાચાર છે કે ભજનલાલ સરકાર આ દિવસ માટે જાહેર રજા પણ જાહેર કરી શકે છે. તમને જણાવી દઈએ કે વડાપ્રધાન નરેન્દ્ર મોદીએ દેશના લોકોને 22 જાન્યુઆરીની દિવાળીની જેમ મનાવવા અને ઘરોમાં દીવા પ્રગટાવવાની વિનંતી કરી છે.
