GUJARAT કેડરના 1988 બેચના IPS અધિકારી પ્રવીણ સિંહાની CBIના ડિરેક્ટર તરીકે નિમણૂક કરાઈ છે. પ્રવીણ સિંહા 2018થી દિલ્હી ખાતે સેન્ટ્રલ વિજિલન્સ કમિશનમાં અધિક સચિવ તરીકે ડેપ્યુટેશન પર છે. તેમની CBIના ડિરેક્ટર ઋષિકુમાર શુકલાના સ્થાને નિમણૂક થઇ છે. પ્રવીણ સિંહાને 2015માં સેન્ટ્રલ ડેપ્યુટેશન પર મોકલાયા હતા. તે સમયે તેઓ ગાંધીનગર ખાતે IGP( પીએન્ડએમ) વિભાગમાં ફરજ બજાવતા હતા.
ઉલ્લેખનીય છે કે, જાન્યુઆરી 2017માં ગુજરાત કેડરના 1994 બેચના IPS અધિકારી મનોજ શશીધરની CBIના જોઇન્ટ ડિરેક્ટર તરીકે નિમણૂક કરાઈ હતી. તેમ જ 2004 બેચના IPS ગગનદીપ ગંભીરની CBIમાં બદલી કરાઈ હતી, જે IPS અધિકારી હાલ બોલીવૂડ અભિનેતા સુશાંતસિંહ રાજપૂતના કેસની તપાસ કરી રહ્યા છે.
Published On - 12:36 pm, Thu, 4 February 21