WhatBengalThinksToday: પ્રકાશ જાવડેકરે કહ્યું કે, ‘જયશ્રી રામ દેશદ્રોહી નારો નથી’
કેન્દ્રીય મંત્રી પ્રકાશ જાવડેકરે શનિવારે મમતા બેનર્જીની નેતૃત્વવાળી પશ્ચિમ બંગાળ સરકાર પર આરોપ લગાવ્યો કે, બંગાળમાં ઘુસણખોરોને આશરો આપવામાં આવી રહ્યો છે.
કેન્દ્રીય મંત્રી પ્રકાશ જાવડેકરે (Prakash Javadekar) શનિવારે મમતા બેનર્જીની નેતૃત્વવાળી પશ્ચિમ બંગાળ સરકાર પર આરોપ લગાવ્યો કે, બંગાળમાં ઘુસણખોરોને આશરો આપવામાં આવી રહ્યો છે. TV9ના ‘WhatBengalThinksToday’ કાર્યક્રમમાં પ્રકાશ જાવડેકરે કહ્યું હતું કે, મમતા સરકાર રોહિંગ્યાઓને આશરો આપી રહી છે. આ ઉપરાંત તેમણે પશ્ચિમ બંગાળના અનેક મુદ્દાઓ પર તૃણમૂલ કોંગ્રેસ (TMC) સરકાર પર સવાલ ઉઠાવ્યા હતા. જેને લઈને કહ્યું હતું કે ઘૂસણખોરીએ રાજ્ય સરકારનો મુદ્દો છે, સરકાર તેમને ત્યાં આશ્રય આપે છે. રાજ્યમાં વસ્તીનું પ્રમાણ બદલાઈ રહ્યું છે.
ખેડૂત આંદોલનને લઈને પ્રકાશ જાવડેકરે જણાવ્યું હતું કે, બંગાળના ખેડૂતોએ કૃષિ કાયદાનું સ્વાગત કર્યું છે. બંગાળના ખેડૂતો પરેશાન છે, તેથી અહીંના ખેડૂતો નવા કાયદાથી ખુશ છે. સાથે જ કહ્યું કે, મમતા સરકાર કોઈપણ કેન્દ્રીય યોજનાનો અમલ કરી રહી નથી. પીએમ મોદી ખેડૂતોને જેટલું આપી રહ્યા છે તેટલું દેશ જોઈ રહ્યું છે. એક વર્ષમાં 10 કરોડ લોકોને 6 કરોડ રૂપિયા આપવામાં આવે છે, બંગાળને આ લાભ નથી મળી રહ્યો. કેન્દ્ર સરકારની યોજનાઓનો ફાયદો દેશભરમાં ખેડૂતોને મળી રહ્યો છે તે લાભ બંગાળના ખેડૂતોને નથી મળી રહ્યો.
જાવડેકરે વધુમાં કહ્યું કે આ સરકાર લોકોના મનમાંથી હવે ઉતરી ચુકી છે. હવે ટીએમસી જશે અને ભાજપ આવશે. આ સાથે જ વધુમાં કહ્યું હતું કે, “મમતા બેનર્જીએ પણ તેવું જ કર્યું જે સામ્યવાદીઓએ કર્યું. રાજ્યમાં છેલ્લા 10 વર્ષમાં માત્ર હિંસા થઈ છે. હવે રાજ્યમાં સીધો મુકાબલો ટીએમસી અને ભાજપ વચ્ચે થવા જઈ રહ્યો છે. કેન્દ્રીય મંત્રીએ કહ્યું કે સરકારે નેતાજી સુભાષચંદ્ર બોઝની જન્મજયંતિને ‘પરાક્રમ દિવસ’ બનાવ્યો. જે રાજકીય નથી. તેમણે કહ્યું કે મોદી સરકાર ઈતિહાસને સુધારી રહી છે. આ સિવાય એક કાર્યક્રમમાં ‘જય શ્રી રામ’ ના નારા અંગે મમતા બેનર્જીએ કહ્યું હતું કે, ‘જય શ્રી રામના નારાનું અપમાન કેવી રીતે કરવામાં આવે છે? એવું નથી કે તેણે તેમના ભાષણની વચ્ચે એક નારો લગાવીને તેને પરેશાન કરી. આ રાજદ્રોહનું સૂત્ર નથી, રાજકીય સૂત્ર નથી. પરંતુ આ દેશની સંસ્કૃતિ અને વારસો છે.”
આ સાથે જ જાવડેકરે કહ્યું કે જો લોકો આ દેશમાં એક બીજાને મળે અને રામ-રામ કહે છે. જ્યારે માણસ મરી જાય છે, ત્યારે તેને ‘રામ નામ સત્ય’ કહેવામાં આવે છે. રામ આ દેશના દરેક કણ-કણમાં છે. તેથી આ નારો લગાવવો ચૂંટણીલક્ષી નથી. કેન્દ્રીય મંત્રીએ કહ્યું કે તૃણમૂલ લોકો સમજે છે કે બંગાળ પર બોલવાનો તેમનો અધિકાર છે અને અમને વારંવાર કહે છે કે તેઓ બહારથી આવ્યા છે, બહારથી કોઈ આવ્યું નથી. તેમણે કહ્યું, “બધા આ દેશના નાગરિક છે. જે મતદાર બીજા કોઈ દેશમાંથી આવ્યો નથી. બંગાળના 40 ટકા મતદારોએ લોકસભાની ચૂંટણીમાં ભાજપને મત આપ્યો છે”.
આ પણ વાંચો: WhatBengalThinksToday: રાજ્યપાલ ધનખડએ કહ્યું બંગાળમાં ઈમરજન્સી જેવી સ્થિતિ, મમતા મારા પર ફેસલા નહી થોપી શકે