PM Narendra Modi Speech Highlights: વડાપ્રધાન નરેન્દ્ર મોદીએ લાલ કિલ્લા પરથી કહ્યું- આપણો દેશ ગુરુઓના આદર્શો પર આગળ વધી રહ્યો છે

પીએમ મોદીએ કહ્યું કે, ગુરુ તેગ બહાદુરજીના બલિદાનથી ભારતની ઘણી પેઢીઓને તેમની સંસ્કૃતિની ગરિમા, તેના સન્માન માટે જીવવા અને મરવાની પ્રેરણા મળી છે. મોટી શક્તિઓ અદૃશ્ય થઈ ગઈ છે, મોટા તોફાનો શાંત થઈ ગયા છે, પરંતુ ભારત હજુ પણ અમર છે, આગળ વધી રહ્યું છે. ગુરુ નાનક દેવજીએ સમગ્ર દેશને એક દોરામાં બાંધ્યો હતો. ગુરુ તેગ બહાદુરજીના અનુયાયીઓ દરેક જગ્યાએ છે.

પીએમ મોદીએ કહ્યું, લાલ કિલ્લાની નજીક ગુરુદ્વારા શીશગંજ સાહિબ પણ છે, જે ગુરુ તેગ બહાદુરજીના અમર બલિદાનનું પ્રતિક છે. આ પવિત્ર ગુરુદ્વારા આપણને યાદ અપાવે છે કે આપણી મહાન સંસ્કૃતિની રક્ષા માટે ગુરુ તેગ બહાદુરજીનું બલિદાન કેટલું મહાન હતું. પીએમ મોદીએ કહ્યું, તે સમયે દેશમાં ધાર્મિક કટ્ટરતાનું તોફાન હતું. આપણા ભારતની સામે એવા લોકો હતા, જેઓ ધર્મને તત્વજ્ઞાન, વિજ્ઞાન અને આત્મસંશોધનનો વિષય માનતા હતા, જેમણે ધર્મના નામે હિંસા અને અત્યાચાર કર્યો હતો. તે સમયે ભારત માટે ગુરુ તેગ બહાદુરજીના રૂપમાં પોતાની ઓળખ બચાવવા માટે મોટી આશા દેખાઈ રહી હતી. ઔરંગઝેબની અત્યાચારી વિચારસરણી સામે, તે સમયે ગુરુ તેગ બહાદુરજી ખડકની જેમ ઊભા હતા.

વડાપ્રધાન નરેન્દ્ર મોદીએ કહ્યું કે, આ લાલ કિલ્લો ઘણા મહત્વપૂર્ણ સમયગાળાનો સાક્ષી રહ્યો છે. આ કિલ્લાએ ગુરુ તેગ બહાદુરજીની શહાદત પણ જોઈ છે અને દેશ માટે શહીદ થયેલા લોકોની હિંમતની પણ કસોટી કરી છે. આ ભારતભૂમિ માત્ર એક દેશ નથી, પરંતુ તે આપણી મહાન વિરાસત છે, એક મહાન પરંપરા છે. તે આપણા ઋષિમુનિઓ, ઋષિઓ, ગુરુઓએ હજારો વર્ષની તપસ્યાથી સિંચ્યું છે, તેના વિચારોને સમૃદ્ધ કર્યા છે.

મને ખુશી છે કે આજે આપણો દેશ આપણા ગુરુઓના આદર્શો પર સંપૂર્ણ નિષ્ઠા સાથે આગળ વધી રહ્યો છે. આ પુણ્ય પ્રસંગે હું તમામ  ગુરુઓના ચરણોમાં નમન કરું છું. પ્રકાશ પર્વ નિમિત્તે આપ સૌને, તમામ દેશવાસીઓને અને સમગ્ર વિશ્વમાં ગુરુવાણીમાં આસ્થા ધરાવનાર તમામ લોકોને હાર્દિક અભિનંદન.

આ ખાસ અવસર પર પીએમ મોદીએ શ્રી ગુરુ તેગ બહાદુરના 400મા પ્રકાશ પર્વ સાથે સંબંધિત એક ખાસ સિક્કો અને ટપાલ ટિકિટ બહાર પાડી છે. લાલ કિલ્લામાં આયોજિત આ કાર્યક્રમનું આયોજન કેન્દ્ર સરકાર દ્વારા દિલ્હી શીખ ગુરુદ્વારા પ્રબંધન સમિતિના સહયોગથી કરવામાં આવી રહ્યું છે.

શ્રી ગુરુ તેગ બહાદુરના 400મા પ્રકાશ પર્વની ઉજવણી આજે લાલ કિલ્લા, દિલ્હી ખાતે કરવામાં આવી રહી છે.

વડાપ્રધાન નરેન્દ્ર મોદીએ દિલ્હીના લાલ કિલ્લા ખાતે શ્રી ગુરુ તેગ બહાદુરના 400મા પ્રકાશ પર્વની ઉજવણીમાં હાજરી આપી હતી.

વડાપ્રધાન નરેન્દ્ર મોદી લાલ કિલ્લા પર પહોંચ્યા છે. થોડી જ વારમાં સંબોધન કરશે.

શીખ ગુરુએ વિશ્વના ઇતિહાસમાં ધર્મ અને માનવીય મૂલ્યો, આદર્શો અને સિદ્ધાંતોની રક્ષા માટે પોતાના જીવનનું બલિદાન આપ્યું છે. કાશ્મીરી પંડિતોની ધાર્મિક સ્વતંત્રતાનું સમર્થન કરવા બદલ મુઘલ શાસક ઔરંગઝેબના આદેશ પર તેમને ફાંસી આપવામાં આવી હતી. ગુરુ તેગ બહાદુરની પુણ્યતિથિ (24 નવેમ્બર) દર વર્ષે શહીદ દિવસ તરીકે ઉજવવામાં આવે છે.

આ સમારોહ શીખ ગુરુ તેગ બહાદુરના જીવન પર આધારિત હશે. આ જ કારણ છે કે સમારોહ દરમિયાન શીખોની પરંપરાગત માર્શલ આર્ટનું પણ આયોજન કરવામાં આવશે. લાલ કિલ્લામાં આયોજિત આ કાર્યક્રમ આઝાદીના અમૃત મહોત્સવ અંતર્ગત યોજવામાં આવી રહ્યો છે.

પીએમ મોદી લાલ કિલ્લા પરથી નહીં, પરંતુ તેના મેદાનમાંથી રાષ્ટ્રને સંબોધિત કરશે. સંસ્કૃતિ મંત્રાલયના અધિકારીઓના જણાવ્યા અનુસાર, લાલ કિલ્લાને સ્થળ તરીકે પસંદ કરવામાં આવ્યો હતો કારણ કે અહીં મુઘલ શાસક ઔરંગઝેબે 1675માં નવમા શીખ ગુરુ, ગુરુ તેગ બહાદુરને ફાંસી આપવાનો આદેશ આપ્યો હતો.

બુધવારથી જ પ્રકાશ પર્વની ઉજવણી શરૂ થઈ ગઈ હતી. દેશના વિવિધ ભાગોમાંથી રાગીઓ (ભજન કીર્તન ગાયકો) અને બાળકો પણ સમારોહમાં હાજરી આપવાના છે.

આ પહેલો પ્રસંગ હશે જ્યારે પીએમ મોદી સૂર્યાસ્ત બાદ લાલ કિલ્લા પરથી દેશને સંબોધિત કરશે. આ ખાસ અવસર પર પીએમ મોદી એક ખાસ સિક્કો અને ટપાલ ટિકિટ પણ બહાર પાડશે. લાલ કિલ્લામાં આયોજિત આ કાર્યક્રમનું આયોજન કેન્દ્ર સરકાર દ્વારા દિલ્હી શીખ ગુરુદ્વારા પ્રબંધન સમિતિના સહયોગથી કરવામાં આવી રહ્યું છે.