ડરી ગયું પાકિસ્તાન, પુલવામા પર હુમલો કરનાર આતંકી સંગઠન જૈશ-એ-મોહમ્મદના ચીફ મસૂદ અઝહરને બચાવવા ભર્યું આવું પગલું

પુલવામા હુમલા બાદ પાકિસ્તાન પર ચારેય બાજુથી દબાણ થઈ રહ્યું છે. એવામાં ડરેલા પાકિસ્તાને આતંકી મસૂદ અઝહરને સુરક્ષિત જગ્યાએ ખસેડી લીધો હોવાનું સૂત્રો પાસેથી જાળવા મળી રહ્યું છે.

જૈશ-એ-મોહમ્મદના બહાવલપુર હેડક્વાર્ટરથી ખસેડીને આતંકી મસૂદ અઝહરને બીજા સ્થળે ખસેડી લેવાયો છે. સૂત્રો દ્વારા મળતી માહિતી મુજબ, પાકિસ્તાન સરકારે મસૂદ અઝહરને રાવલપિંડીમાં કોઈ સુરક્ષિત જગ્યાએ મોકલી દીધો છે. રાવલપિંડીમાં જ પાકિસ્તાનની ગુપ્તચર એજન્સી ISIનું હેડક્વાર્ટર છે.

ફ્રાન્સ જૈશ-એ-મોહમ્મદના ચીફ મસૂદ અઝહરને વૈશ્વિક આતંકી જાહેર કરવા માટે સંયુક્ત રાષ્ટ્રમાં પ્રસ્તાવ લઈને આવવાનું છે. આગામી 2 દિવસમાં આવો પ્રસ્તાવ આવી શકે છે. આ પ્રસ્તાવમાં ફ્રાન્સ મસૂદ અઝહરને બેન કરવાની માગ કરશે.

મસૂદ અઝહરની વર્ષ 1994માં ભારતમાં પોર્ટુગલના ફરજી પાસપોર્ટ પર સફર કરવાના આરોપમાં ધરપકડ કરી હતી. પરંતુ 1999માં કંધાર વિમાન અપહરણ સમયે ભારતે તેને છોડવો પડ્યો હતો. ભારત ઘણી વાર દાવો કરી ચૂકયું છે કે મસૂદ અઝહરને પાકિસ્તાની ગુપ્તચર એજન્સી ISI પાસેથી મદદ મળે છે.

[yop_poll id=1666]

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]