Manipur Violence: જાતીય હિંસા વચ્ચે મ્યાનમારથી ગેરકાયદેસર રીતે મણિપુરમાં આવેલ વસાહતીઓ પર સરકારની મોટી કાર્યવાહી

મણિપુર સરકારે જાતિ હિંસાગ્રસ્ત રાજ્યમાં રહેતા મ્યાનમારના ગેરકાયદેસર ઇમિગ્રન્ટ્સનો બાયોમેટ્રિક ડેટા લેવાનું શરૂ કર્યું છે, રાજ્ય સરકારે શનિવારે જાહેર કરેલા એક નિવેદનમાં જણાવ્યું હતું. મણિપુરમાં વંશીય અથડામણો, આતંકવાદ ઉપરાંત મ્યાનમારથી ગેરકાયદેસર વસાહતીઓની કથિત સંડોવણી સાથે સંકળાયેલી છે.

ગેરકાયદેસર પ્રવેશ મેળનાર પર મોટી કાર્યવાહી

મણિપુર ગૃહ વિભાગે શનિવારે એક નિવેદનમાં જણાવ્યું હતું કે રાજ્યમાં રહેતા મ્યાનમારના તમામ ગેરકાયદેસર ઇમિગ્રન્ટ્સનો બાયોમેટ્રિક ડેટા મેળવવાની ઝુંબેશ સપ્ટેમ્બરના અંત સુધીમાં પૂર્ણ કરવામાં આવશે. સંયુક્ત સચિવ પીટર સલામે એક નિવેદનમાં જણાવ્યું હતું કે, ગૃહ મંત્રાલયે રાજ્ય સરકારના અધિકારીઓને ગેરકાયદે મ્યાનમાર સ્થળાંતર કરનારાઓનો બાયોમેટ્રિક ડેટા મેળવવાની તાલીમ આપવા માટે નેશનલ ક્રાઈમ રેકોર્ડ્સ બ્યુરો (NCRB) ની એક ટીમ મોકલી છે.

“રાજ્યના તમામ ગેરકાયદેસર મ્યાનમાર વસાહતીઓનો બાયોમેટ્રિક ડેટા સફળતાપૂર્વક કબજે ન થાય ત્યાં સુધી તમામ જિલ્લાઓમાં અભિયાન ચાલુ રહેશે. આ સપ્ટેમ્બર 2023 સુધીમાં પૂર્ણ કરવાનું લક્ષ્ય છે,” નિવેદનમાં જણાવાયું છે.

 સરકારે બાયોમેટ્રિક કવાયત હાથ ધરી

મણિપુર 3 મેથી પહાડી પ્રભુત્વ ધરાવતી કુકી જનજાતિ અને ખીણના પ્રભુત્વ ધરાવતા મેતેઈ વચ્ચે વંશીય સંઘર્ષમાં ફસાયેલ છે. અગાઉ, કેન્દ્રએ મણિપુર અને મિઝોરમ સરકારોને બાયોમેટ્રિક કવાયત હાથ ધરવા અને તેને સપ્ટેમ્બર સુધીમાં પૂર્ણ કરવા જણાવ્યું હતું. મણિપુરના ચુરાચંદપુર જિલ્લામાં ગોળી અને વિસ્ફોટક ઇજાઓ માટે ઓછામાં ઓછા સાત મ્યાનમાર નાગરિકોને સારવાર આપવામાં આવી છે, જ્યાં કુકીઓ મોટી સંખ્યામાં રહે છે.

મણિપુરના મુખ્ય પ્રધાન એન બિરેન સિંહે કહ્યું છે કે મ્યાનમારથી આવેલા વસાહતીઓ જંગલોના કાપ, ખસખસની ખેતી અને ડ્રગ્સના જોખમ માટે જવાબદાર છે ત્યારે આ હિંસા પાછળ વિદેશની ચાલ પણ હોઈ શકે છે.

હિંસા પાછળ કોણ જવાબદાર?

મણિપુરમાં હિંસાની સ્થિતિ છેલ્લા 3 મહિનાથી જોવા મળી રહી છે જે બાદ મહિલાઓને નગ્ન કરીને પરેડ કરવાના મામલે પણ CBI એક્શનમાં છે જેને લઈને અત્યાર સુધી 7થી વધુ FIR નોંધીને 10થી વધુની ધરપકડ કરી છે. મણિપુરની આ સ્થિતિ બાદ સેનાના પૂર્વ પ્રમુખ નવરેણે પણ મોટું નિવેદન આપ્યું હતુ. તેમણે આ અંગે કહ્યુ હતુ કે આ બધા પાછળ ચીનનો હાથ છે. ત્યારે આ મામલે પોલીસ અને CBI તપાસમાં લાગી છે ત્યારે તપાસ બાદ જાણી શકાશે કે હિંસાના આટલા ફેલાવા પાછળ શું ખરેખર ચીનનો હાથ છે કે કેમ?