IRCTCનું ઉંચા ભાવે લિસ્ટિંગ, શેરના ભાવમાં 125 ટકાનો ઉછાળો

ઈન્ડિયન રેલવે કેટરિંગ એન્ડ ટૂરિઝમ કોર્પોરેશન (IRCTC)ના શેયરની સોમવારે BSE પર 644 રૂપિયા પર લિસ્ટિંગ થઈ અને સવારે 10.20 વાગ્યે તેની કિંમત 691 રૂપિયા પર પહોંચી ગઈ. તેના IPOને જે પ્રકારે પ્રતિસાદ મળ્યો હતો, તેને જોઈને એ વાતનો વિશ્વાસ હતો કે તેનાથી લાખો રોકાણકારો માલામાલ થશે.

તેની પ્રાઈઝ બેન્ડ 315-320 રૂપિયા હતી. કંપનીના IPOમાં આવેદન 4 ઓક્ટોબરે બંધ થયું હતું. IRCTCએ આ IPOથી 645 કરોડ રૂપિયા મેળવવાનું લક્ષ્ય રાખ્યું હતું અને તેને જરૂરિયાતથી વધારે 112 ગણાથી વધારે શેયર માટે બોલી લાગી હતી. તેની માર્કેટ કેપ 11 હજાર કરોડ રૂપિયાથી વધારે થઈ ગઈ છે. NSE પર તેના શેયરોની લિસ્ટિંગ 626 રૂપિયા પર થઈ હતી.

IPO દ્વારા 2.01 કરોડ શેયર માટે આવેદન માંગવામાં આવ્યા હતા પણ આવેદન 225.39 કરોડ શેયરનું થઈ ચૂક્યુ હતું. IRCTCમાં સરકારની હાલ ભાગીદારી 100 ટકા છે અને IPO દ્વારા સરકારે તેમની ભાગીદારી 12.6 ટકા ઓછી કરી દીધી છે.

ઉલ્લેખનીય છે કે IRCTCની સ્થાપના 27 સપ્ટેમ્બર 1999માં થઈ હતી અને તેને 1 મે 2008ના રોજ ભારત સરકારથી મિનિ રત્ન કંપનીનો દરજ્જો મળ્યો હતો. IRCTC રેલવેમાં ખાવા-પીવા સિવાય ઈ-કેટરિંગ, એક્ઝિક્યુટિવ લોન્જ, બજેટ હોટલ જેવા સેગમેન્ટમાં પણ વેપાર કરે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]