હિમંતા બિસ્વા સરમાએ આસામના અશાંત વિસ્તારને ઘટાડવાના નિર્ણયને આવકાર્યો, કહ્યું કે, રાજ્યનો 60% ભાગ AFSPAમાંથી થયો મુક્ત
આસામના મુખ્યમંત્રી હિમંતા બિસ્વા સરમાએ દાયકાઓ પછી નાગાલેન્ડ, આસામ અને મણિપુર રાજ્યોમાં આર્મ્ડ ફોર્સ સ્પેશિયલ પાવર્સ એક્ટ (AFSPA) હેઠળ અશાંત વિસ્તારોને ઘટાડવાના કેન્દ્ર સરકારના નિર્ણયને આવકાર્યો છે.
આસામના મુખ્યમંત્રી હિમંતા બિસ્વા સરમાએ દાયકાઓ પછી નાગાલેન્ડ (Nagaland), આસામ (Assam) અને મણિપુર (Manipur) રાજ્યોમાં આર્મ્ડ ફોર્સ સ્પેશિયલ પાવર્સ એક્ટ (AFSPA) હેઠળ અશાંત વિસ્તારોને ઘટાડવાના કેન્દ્ર સરકારના નિર્ણયને આવકાર્યો છે. કેન્દ્ર સરકાર દ્વારા લેવામાં આવેલા નિર્ણય પર ખુશી વ્યક્ત કરતાં તેમણે કહ્યું હતું કે, “હું 9 જિલ્લાઓ અને 1 સબ-ડિવિઝન સિવાય આસામના તમામ વિસ્તારોમાંથી AFSPA પાછી ખેંચી લેવાના વડા પ્રધાન નરેન્દ્ર મોદીના નિર્ણયનું હૃદયપૂર્વક સ્વાગત કરું છું.” આ સાહસિક નિર્ણય માટે હું ગૃહમંત્રી અમિત શાહનો પણ આભાર વ્યક્ત કરું છું. હવે રાજ્યનો લગભગ 60% વિસ્તાર AFSPAના દાયરામાંથી મુક્ત થઈ જશે.
આસામના મુખ્યમંત્રી હિમંતા બિસ્વા સરમાએ કહ્યું કે, AFSPA 1990થી અમલમાં છે અને આ પગલું આસામના ભવિષ્યમાં એક નવા અધ્યાયની શરૂઆત કરે છે. આ રાજ્યમાં કાયદો અને વ્યવસ્થામાં નોંધપાત્ર સુધારાનો પુરાવો છે. શાંતિની શરૂઆત સાથે, ઉત્તર પૂર્વ હવે વિકાસના નવા માર્ગ પર છે. હું આસામના લોકોને પણ અભિનંદન આપું છું, જેમણે શાંતિમાં વિશ્વાસ રાખ્યો છે. પીએમ નરેન્દ્ર મોદીના દૂરંદેશી નેતૃત્વને કારણે આ ક્ષેત્ર ભારતના વિકાસનું નવું એન્જિન બનવા માટે તૈયાર છે.
આસામના 60% વિસ્તારને AFSPAમાંથી મુક્તિ આપવામાં આવી છે
તમને જણાવી દઈએ કે, AFSPAને 2015માં ત્રિપુરામાંથી અને 2018માં મેઘાલયમાંથી સંપૂર્ણપણે હટાવી દેવામાં આવ્યું હતું. તે જ સમયે, આસામમાં 1990 થી ડિસ્ટર્બ્ડ એરિયા નોટિફિકેશન અમલમાં છે. 2014માં નરેન્દ્ર મોદી વડાપ્રધાન બન્યા બાદ સુરક્ષાની સ્થિતિમાં નોંધપાત્ર સુધારાને કારણે હવે આસામના 23 જિલ્લાઓને 1 એપ્રિલથી AFSPAની અસરમાંથી સંપૂર્ણપણે અને 1 જિલ્લાને આંશિક રીતે દૂર કરવામાં આવી રહ્યા છે.
મણિપુરના 6 જિલ્લાના 15 પોલીસ સ્ટેશન અશાંત વિસ્તારથી બહાર રહેશે
મણિપુરમાં ડિસ્ટર્બ્ડ એરિયા ડિક્લેરેશન (ઇમ્ફાલ નગરપાલિકા વિસ્તાર સિવાય) 2004થી અમલમાં છે. કેન્દ્ર સરકાર દ્વારા મહત્વપૂર્ણ પગલાઓ લેતા 1 એપ્રિલથી 6 જિલ્લાના 15 પોલીસ સ્ટેશન વિસ્તારોને અવ્યવસ્થિત વિસ્તારની સૂચનામાંથી બાકાત રાખવામાં આવ્યા છે. 2015માં અરુણાચલ પ્રદેશમાં 3 જિલ્લાઓ, અરુણાચલ પ્રદેશથી આસામ સુધી 20 કિ.મી. AFSPAની પટ્ટીમાં 16 પોલીસ સ્ટેશન વિસ્તારમાં અને 9 અન્ય જિલ્લાઓમાં લાગુ હતું, જે ધીમે ધીમે ઘટતું જાય છે, હાલમાં તે માત્ર 3 જિલ્લાઓમાં અને 1 અન્ય જિલ્લામાં 2 પોલીસ સ્ટેશન વિસ્તારમાં લાગુ છે.
આ પણ વાંચો: CA Syllabus: CAનો સિલેબસ બદલવાનો છે, ICAIએ જણાવ્યો પ્લાન, જાણો કેવો હશે નવો સિલેબસ
આ પણ વાંચો: UG admission 2022: કયા વિષયમાં પ્રવેશ માટે ધોરણ 12નો કયો કોર્સ જરૂરી છે, AICTEએ સંપૂર્ણ યાદી બહાર પાડી